Краснодар краимрэ Адыгэ Республикэмрэ язэ­пхыныгъэхэр спортым щэпытэх.

Адыгеим кушъхьэфэчъэ спортымкIэ ихэшыпыкIыгъэ командэ Адлер щыIэу хэгъэгу ыкIи дунэе зэIукIэгъухэм зафегъэхьазыры.

Олимпиадэ джэгунхэм ахэлэжьэщтхэр къызыхахыщт купым хэтых республикэм испортсменхэу Александр Евтушенкэмрэ Елизавета Ошкурковамрэ. 2020-рэ илъэсым ахэр ягъэхъагъэ­хэмкIэ Урысые испортсменхэм къа­хэщыгъэх, медальхэр зэнэ­къокъухэм къащахьыгъ.

СтIашъу Мамыри Урысыем ихэшыпыкIыгъэ командэ хэт. Хэгъэгум изэнэкъокъу дышъэр къыщихьыгъ. Адыгэ Республикэм испортсмен анахь дэгъухэу 2020-рэ илъэсым къыхахыгъэхэм Александр Евтушенкэр,

Елизавета Ошурковар, СтIашъу Ма­мыр, Елизавета Арчи­басовар, Валерий Исламовыр ащыщых.

Республикэм ихэшыпыкIыгъэ командэ хэтхэу Адлер яIэпэIэсэныгъэ щыхагъэхъуагъ Александр Куликовскэм, Алена Рысовам, Гюнель Мехтиевам. Тренерэу Алексей Войновыр япащэу якъу­лайныгъэ нахьышIоу агъэфедэ хъугъэх.

— Дунэе зэIукIэгъухэр мэза-ем Тыркуем щыкIощтых, — къы­ти­Iуагъ Адыгэ Республикэм кушъхьэфэчъэ спортымкIэ и Фе­де­рацие итхьаматэу Анатолий Ле­люк. — Адыгеим ихэшыпыкIыгъэ командэ зэнэкъокъум дэгъоу зыфигъэхьазырыгъэу сэлъытэ. Къушъхьэ гъогухэм, хы ШIуцIэм дэжь, мыжъо гъогухэм яIэпэIэсэныгъэ ащауплъэкIугъ.

Шъолъырым спортымкIэ ипащэхэр, зэхэщакIохэр тиспорт­сменхэм дэгъоу къапэгъокIыгъэх.