Испанием футболымкIэ и Суперкубок къыдэхыгъэным фэгъэхьыгъэ зэIу­кIэ­гъур гъэшIэгъонэу кIуагъэ.

КIэух ешIэгъум щызэIукIа­гъэхэр дунаим щашIэх. «Атлетик» Бильбао — «Барселона» Барселона.

«Барселонэр» текIоныгъэм нахь пэблэгъагъ, ау «Атлетикэм» инасып къыхьыгъэу плъытэ хъущт. ЕшIэгъу такъикъ 90-м ыуж пчъагъэр 2:2-у щытыгъ. Такъикъ 30 къазыфыхагъахъом, «Атлети­кэм» «Барселонэм» икъэлапчъэ Iэгуаор дидзи, 3:2-у текIоныгъэр къыдихыгъ.

«Барселонэм» щешIагъ дунаим щыцIэрыIо Лионель Месси. Шъобжэу къытыращагъэр зегъэ­хъужьым ыуж апэрэу зэIукIэгъум хэлэжьагъ. ИIэпэIэсэныгъэкIэ Л. Месси къахэщыгъ, игъусэхэр зылъищэщтыгъэх. Аужырэ такъи­къым Л. Месси шапхъэр ыукъуи, ешIапIэм къызэрэрагъэкIыгъэр спортым пылъхэм гухэкI ащы­хъугъ.