Урысые Федерацием щынэгъончъэнымкIэ икъулыкъухэм яIофышIэхэу, яветеранхэу лъы­тэныгъэ зыфэтшIыхэрэр!

Урысые Федерацием щынэгъончъэнымкIэ икъулыкъухэм яIофышIэ и Мафэ фэшI тышъуфэгушIо!

Шъо дунэе терроризмэм пхъашэу шъупэуцужьы, хэгъэгум ифедэхэр шъуишъыпкъэу къэшъогъэгъунэ, хабзэм игъэпытэнкIэ, къэралыгъомрэ цIыфхэмрэ щынэгъончъагъэ яIэнымкIэ зи къызытежъугъанэрэп. ЛIыгъэрэ пытагъэрэ зэрэшъухэлъымкIэ, ухьазырыныгъэ дэгъу зэрэшъуиIэмкIэ, еIолIэнчъэу шъуипшъэрылъ зэрэжъугъэцакIэрэмкIэ, Хэгъэгум шъузэрэфэшъыпкъэм­кIэ сыдигъуи шъуакъыхэщыщтыгъ.

Къолъхьэ тын-Iыхыным, нэмыкI бзэджэшIагъэхэм пхъашэу шъуапэуцужьызэ, общественнэ-политикэ зыпкъитыныгъэмрэ цIыфхэм щыIэкIэ-псэукIэу яIэщтымрэ бэкIэ зэлъытыгъэ унэшъо чъэпхъыгъэхэр псынкIэу шъоштэх.

Мафэ къэс Iофышхо зэрагъэцакIэрэм, тиреспубликэ ихэхъоныгъэ яIахьышIу зэрэхашIыхьэрэм афэшI Урысые Федерацием щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипащэхэми, инэмыкI IофышIэхэми Адыгеим щыпсэу­хэрэм ацIэкIэ тызэрафэразэр ятэIо.

ГъэIорышIапIэм щылажьэхэрэми, щынэгъончъэнымкIэ къулыкъухэм яветеранхэми псауныгъэ пытэ, щыIэкIэ-псэукIэ дэгъу яIэнэу, яунэгъо кIоцI сыдигъуи зэгурыIоныгъэ илъынэу, хъугъэ-шIэгъэ гушIуагъохэмкIэ ящыIэныгъэ баинэу, шIоу щыIэр къадэхъунэу, якъулыкъу гъэхъэгъэшхохэр щашIынэу тафэлъаIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный