Европэм футболымкIэ ичемпионхэм ялигэ щыкIорэ зэнэкъокъум пэшIорыгъэшъ ешIэгъухэр щаухыгъэх.

Командэхэр купи 8 хъухэу къекIокIыгъуитIум щызэнэкъокъу­гъэх. Куп пэпчъ команди 4 хэт.

ЧIыпIэу къыда­хыгъэр

А 1-рэ купыр

1. «Бавария» — 16 2. «Атлетико» М — 9 3. «Зальцбург» — 4 4. «Локомотив» — 3

Я 2-рэ купыр

1. «Реал» М – 10 2. «Боруссия» — 8 3. «Шахтер» Д – 8 4. «Интер» М – 6

Я 3-рэ купыр

1. «Манчестер-Сити» — 16 2. «Порту» — 13 3. «Олимпиакос» — 3 4. «Марсель» — 3

Я 4-рэ купыр

1. «Ливерпуль» — 13 2. «Аталанта» — 11 3. «Аякс» — 7 4. «Мидтьюланнд» — 2.

Я 5-рэ купыр

1. «Челси» — 14 2. «Севилья» — 13 3. «Краснодар» — 5 4. «Ренн» — 1.

Я 6-рэ купыр

1. «Боруссия» Д – 13 2. «Лацио» — 10 3. «Брюгге» — 8 4. «Зенит» — 1.

Я 7-рэ купыр

1. «Ювентус» — 15 2. «Барселона» — 15 3. «Динамо» К – 4 4. «Ференцварош» — 1.

Я 8-рэ купыр

1. ПСЖ – 12 2. «Лейпциг» — 12 3. «Манчестер Ю» — 9 4. «Истанбул» — 3.

Купхэм апэрэ чIыпIитIур къащыдэзыхыгъэхэр Европэм ичемпионхэм ялигэ зэнэкъокъур щы­лъагъэкIотэщт.

Я 3-рэ чIыпIэхэр зыхьыгъэхэр куп шъхьафым щешIэщтых — УЕФА-м и Кубок фэбэнэщтых. 2021-рэ илъэсым, гъатхэм зэIу­кIэгъухэр рагъэжьэщтых.

Урысыем икоманди 3 зэнэкъо­къум щешIагъ. «Зенит» ыкIи «Локомотив» пэшIорыгъэшъ ешIэ­гъухэм апхырыкIыгъэхэп, Кубо­кым фэгъэхьыгъэ зэнэкъокъум къыхэзыгъэх. «Краснодар» апэрэу Кубокым ехьылIэгъэ зэIукIэгъухэм ахэлэжьагъ. Ящэнэрэ чIыпIэр къыдихыгъ, зэIукIэгъухэм 2021-рэ илъэсым ахэлэжьэщт. «Краснодар» итренер шъхьаIэу Мурад Мусаевым, клубым ипащэхэм, ешIакIохэм тафэгушIо, Европэм и Кубок икъыдэхын, Урысыем изэнэкъокъу тапэкIи нахь чанэу ахэлэжьэнэу, игъэхъагъэхэм ахигъахъозэ нахьыбэрэ тигъэгушIонэу фэтэIо. Сурэтым итыр: футбол клубэу «Краснодар».