Урысыем футболымкIэ изэнэкъокъу ятIонэрэ купым щэкIо. Мыекъопэ «Зэкъошныгъэр» «Къыблэм» хэт, апэрэ къекIокIыгъор ыухыгъ. 2020 – 2021-рэ илъэс зэнэкъокъум Адыгеим икомандэ зэрэщешIэрэм, мурадэу иIэхэм афэгъэхьыгъэу «Зэкъошныгъэм» итренер шъхьаIэу Ешыгоо Сэфэрбый зэдэгущыIэгъу дытиIэщт. Гъэзетеджэхэм, «Зэкъошныгъэм» фэгумэкIыхэрэм яупчIэхэм Ешыгоо Сэфэрбый ащыдгъэгъозэщт. Тренерым упчIэ езыты зышIоигъохэр мыщ фэдэ телефонхэмкIэ редакцием къытеонхэу тяжэ: 8-918-330-30-63; 8-928-472-85-88; 8-961-829-95-99. Шъуеужьыр, шъуиупчIэхэм тыгъэгъазэм и 14-м нэс тыкъяжэщт.