Диего Марадонэ зыми фэдагъэп
Спортышхом щыцIэрыIо Диего Марадонэ дунаир зэрихъожьыгъэр лъэшэу тигукъау.
Аргентинэм ар къыщыхъугъ, Италием икомандэу «Наполи», Аргентинэм ихэшыпыкIыгъэ командэ зэращешIэщтыгъэр егъашIи тщыгъупшэщтэп.
Диего Марадонэ ыгу къытемыожьырэми, ишIушIагъэкIэ къытхэт. ЗэлъашIэрэ футбол ешIакIом фэгъэхьыгъэ зэIукIэгъухэр мы мафэхэм стадионхэм ащызэхащэх. ШэкIогъум и 29-м «Наполи» «Ромэм» зыдешIэм, гукъэкIыжьэу цIыфхэм къаIотагъэр макIэп. Марадонэ иIэпэIэсэныгъэкIэ къахэщызэ, ешIакIэу къыгъэлъагъощтыгъэр, къэлапчъэм Iэгуаор зэрэдидзэщтыгъэр, щыIэныгъэм шIушIагъэу щыриIэр нэбгырэ миллион пчъагъэхэм щысэ афэхъу.
ЩыIэныгъэм бэгъашIэ щымыхъугъэми, спортым щыпхырищыгъэ лъагъор зыми зэрэфэмыдэр, фильмэу тырахыгъэхэм, журналистхэм фатхыгъэхэм, шIэжь къэбархэм уащагъэгъуазэ.
Диего Марадонэ идунай зехъожьым, Аргентинэр мэфищэ шъыгъуагъэ. Диего Марадонэ имайкэ пчъагъэу 10-р тедзагъэу футбол зэрешIэщтыгъэр дунаим истадионхэм къащагъэлъэгъуагъ.
Футбол ешIакIоу, цIыф цIэрыIоу щымыIэжьым Тхьэм джэнэт къыритынэу тыфэлъаIо.