КъыфэгушIуагъэхэм афэраз
Дунаим самбэмкIэ иветеранхэм язэнэкъокъоу Минскэ щыкIуагъэм Джони Липаридзе дышъэр къыщыдихыгъ.
Мыекъопэ бэнэпIэ еджапIэм щагъэсэгъэ Джони Липаридзе килограмм 90-м нэс къэзыщэчыхэрэм якуп хэтыгъ, иIэпэIэсэныгъэкIэ бэнакIохэм къахэщыгъ.
Спортым пыщагъэхэр, ныбджэгъухэр, гъэзетеджэхэр батырым фэгушIох, имедальхэм ахигъэхъонэу, шIоу щыIэр къыдэхъунэу Тхьэм фелъэIух.
— Урысыем ихэшыпыкIыгъэ командэ ыцIэкIэ лъэпкъыбэ зыщыпсэурэ Адыгэ Республикэм щыщхэу къытфэгушIуагъэхэм гъэзетымкIи «тхьашъуегъэпсэу» ясIожьы сшIоигъу, — къытиIуагъ спортымкIэ дунэе класс зиIэ мастерэу, дунаим самбэмкIэ иветеранхэм язэнэкъокъу апэрэ чIыпIэр къыщыдэзыхыгъэ Джони Липаридзе.