Хэгъэгум футболымкIэ иапшъэ­рэ куп щыкIорэ зэнэкъокъум хэлэжьэрэ командэхэм шэкIогъум и 21 — 23-м я 15-рэ зэ­IукIэгъухэр яIагъэх.

Зэтэгъапшэх

«Краснодар» — «Тамбов» — 1:0, «Ахмат» — «Зенит» — 2:2, «Спартак» — «Динамо» — 1:1, «Локомотив» — «Арсенал» — 1:0, ЦСКА — «Шъачэ» — 1:1, «Ротор» — «Урал» — 0:0, «Рубин» — «Ростов» — 0:2.

«Локомотив» иешIакIоу Антон Миранчук я 72-рэ такъикъым пенальтикIэ «Арсенал» икъэлапчъэ Iэгуаор дидзагъ. «Краснодар» хэтэу Кабеллэ ухъумакIохэм аIэкIэкIи, «Тамбов» икъэлапчъэ Iэгуаор дидзагъ. «Локомотив» ыкIи «Краснодар» 1:0-у текIоныгъэр къыдахыгъ.

Пчъагъэр зэфэдэу ешIэгъуи 4 аухыгъ. «Динамэм» иешIакIоу Скопинцевым я 79-рэ такъикъым хъагъэм Iэгуаор дидзагъ. «Спартак» иешIакIоу Зобниныр ухъумакIохэм аIэкIэкIи, лъэ­шэу зэогъэ Iэгуаор къэлэ­п­чъэIутэу Шуниным къызэкIи­дзэжьыгъ, ау ятIонэрэу Зобниныр къэлапчъэм зыдаом, Шу­ниныр амалынчъэу къэлъэгъуагъ — 1:1.

ЦСКА-р «Шъачэм» текIон ылъэкIыгъэп — 1:1.

Командэхэм яешIакIэхэм зэ­хъокIыныгъэхэр афэхъух. Апэ ишъыгъэ команди 10-р зыфэба­нэрэр тэшIэ, ауж къинэхэрэм ягумэкIхэри къыдгурэIох. 2020 — 2021-рэ илъэс ешIэгъум иапэ­рэ къекIокIыгъо аухыгъ.

Хэт тыдэ щыIа?

1. ЦСКА — 32 2. «Зенит» — 31 3. «Спартак» — 29 4. «Динамо» — 27 5. «Ростов» — 26 6. «Шъачэ» — 24 7. «Ахмат» — 24 8. «Локомотив» — 24 9. «Краснодар» — 21 10. «Рубин» — 21 11. «Урал» — 16 12. «Химки» — 15 13. «Арсенал» — 13 14. «Тамбов» — 12 15. «Ротор» — 8 16. «Уфа» — 7.

Я 16-рэ ешIэгъухэр

28.11 «Арсенал» — «Зенит» «Химки» — «Краснодар» «Ростов» — «Динамо» «Ахмат» — «Локомотив» 29.11 «Урал» — «Шъачэ» «Уфа» — «Тамбов» «Рубин» — ЦСКА «Спартак» — «Ротор».