ЦСКА Москва — «АГУ-Адыиф» Мыекъуапэ — 39:24 (22:9). ШэкIогъум и 18-м Мос­ква щызэдешIагъэх.

«АГУ-Адыиф»: Клименко — 2, Краснокутская — 4, Кириллова, Морозова — 1, Богданова — 5, Олейник, Измайлова — 2, Казиханова — 1, Дмитриева — 2, Кобл — 5, Кошубекова, Стрельцова — 2. КъэлэпчъэIутхэр: Толмачева, Баскакова.

ЦСКА-м къыхэщыгъэхэр: Судакова — 7, Ведехина — 6, Горшенина — 5, Дмитриева — 4, Ильина — 3.

ЕшIэкIо цIэрыIохэр ЦСКА-м хэтых, командэр медальхэм афэбанэ. КъэлэпчъэIутэу Анна Седойкинар Урысыем ихэшыпыкIыгъэ командэ щешIэ. Марина Судаковар, Екатерина Ильинар Олимпиадэ джэгунхэм ахэлэжьагъэх, дышъэр къахьыгъ.

ЦСКА-м «Адыифыр» текIощтэу тыгугъэщтыгъэп шъхьае, гъогогъу 39-рэ къэлапчъэм Iэгуаор зэрэдигъэкIыгъэм икIэрыкIэу тегъэгумэкIы. Ухъумэн Iофыгъохэр «Адыифым» зэригъэцакIэхэрэм щыкIагъэу фэхъурэр макIэп.

«Адыифым» ныбжьыкIабэ мыгъэ аштагъ, ар къыдэтлъытэзэ, клубым иIэпэIэсэныгъэ хигъэ­хъонэу тыщэгугъы.

Зичэзыу ешIэгъу

«Звезда» Звенигород — «Луч» Москва — 46:26.

ЧIыпIэхэр 1. «Ростов-Дон» — 20 2. «Астраханочка» — 18 3. ЦСКА — 18 4. «Звезда» — 18 5. «Лада» — 12 6. «Кубань» — 6 7. «Университет» — 6 8. «Ставрополье» — 4 9. «Динамо» — 4 10. «Луч» — 4 11. «АГУ-Адыиф» — 2 12. «Уфа-Алиса» — 0. ШэкIогъум и 21-м «Адыифыр» Ставрополь щыIукIэщт чIыпIэ командэу «Ставропольем». Тыгъэгъазэм и 11-м «Адыифыр» Мыекъуапэ щешIэщт, «Университетым» енэкъокъущт. И 13-м Уфа икомандэ Мыекъуапэ къэ­кIощт. Я 7 — 8-рэ чIыпIэхэм «Адыифыр» афэбанэ, имурад къыдэхъуным фэшI «Университетым», «Уфа-Алисэм» атекIон фае.