ЕшIэгъу къинкIэ ыухыщт
«Биолог-Новокубанск» — «Зэкъошныгъ» — 3:1. ШэкIогъум и 14-м псэупIэу Прогрессым щызэдешIагъэх.
Къэлапчъэм Iэгуаор дэзыдзагъэхэр: Малыш — 15,89, Хибаба — 85, «Биолог». Андрейченко — 64, «Зэкъошныгъ».
«Биологыр» ауж къинэхэрэм къахэкIыжьы. «Зэкъошныгъэм» иешIакIохэм ар къыдалъытэзэ, зэIукIэгъум зыфагъэхьазырыгъ. М. Малыш я 15-рэ такъикъым тикъэлапчъэ Iэгуаор къызыдедзэм, «Зэкъошныгъэм» иешIакIэ къыримыгъэIыхэу ыпэкIэ лъыкIуатэщтыгъ. Ю. Андрейченкэм бысымхэм якомандэ икъэлапчъэ Iэгуаор дидзагъ.
— «Зэкъошныгъэм» текIоныгъэр къыдихыным фэбанэщтыгъ, — къытиIуагъ тренер шъхьаIэу Ешыгоо Сэфэрбый. — УхъумакIохэри апэкIэ илъыщтыгъэх, ау хъагъэм Iэгуаор дэзыдзэн къахэкIыгъэп.
ЗэIукIэгъум икIэух «Биологыр» ошIэ-дэмышIэу ыпэкIэ къилъи, Р. Хибабэ тикомандэ икъэлапчъэ ихъагъэ Iэгуаор дидзагъ. «Зэкъошныгъэр» гуIэм хэтэу икIэрыкIэу ыпэкIэ илъыгъ шъхьае, гъэхъагъэ фэшIыгъэп. Илъэс заулэкIэ узэкIэIэбэжьмэ, «Зэкъошныгъэм» щешIэщтыгъэ М. Малыш я 89-рэ такъикъым тикъэлапчъэ ящэнэрэ Iэгуаор къыдидзагъ. «Биологыр» мэгушIо, «Зэкъошныгъэр» гумэкIым зэлъекIу…
Я 15-рэ зэIукIэгъухэр
«Ессентуки» — СКА – 0:8, «Анжи» — «ТIуапсэ» — 1:0, «Махачкала» — «Кубань» — 0:1, «Кубань-Холдинг» — «Легион» — 2:1, «Черноморец» — «Форте» — 1:0, «Спартак» — «Мэщыкъу» — 0:0, «Динамо» — «Интер» — 0:1.
ЧIыпIэхэр
1. «Кубань-Холдинг» — 35 2. «Кубань» — 34 3. «Легион» — 32 4. «Черноморец» — 29 5. СКА — 28 6. «Анжи» — 25 7. «Спартак» — 22 8. «Форте» — 18 9. «Мэщыкъу» — 18 10. «Динамо» — 17 11. «Зэкъошныгъ» — 15 12. «Махачкала» — 15 13. «Краснодар-3» — 14 14. «Биолог» — 14 15. «Интер» — 11 16. «Ессентуки» — 11 17. «ТIуапсэ» — 4.
ШэкIогъум и 21-м «Зэкъошныгъэр» анахь къинэу зыдешIэрэмэ ащыщэу «Черноморец» Новороссийск Мыекъуапэ щыIукIэщт, апэрэ къекIокIыгъор купэу «Къыблэм» щаухыщт. Гъэтхапэм и 3-м илъэс зэнэкъо- къум ия 2-рэ къекIокIыгъо рагъэжьэщт.