Европэм ифутбол клубхэу чемпионхэм якуп кубокыр къыщыдэхыгъэным фэгъэхьыгъэ зэнэкъокъум «Краснодар» Краснодар щешIэ.

Я 3-рэ къекIокIыгъом хэхьэрэ зэIукIэгъум «Краснодар» Испанием щыIукIагъ чIыпIэ командэу «Севильем». Бысымхэм текIоныгъэр 3:2-у къыдахыгъ. Арэу щытми, тызыгъэгушIон къэбар зэхэтхыгъэ.

Европэм и Кубок фэбэнэрэ командэхэм язэхэщакIохэм къэлапчъэм Iэгуаор анахь дахэу дэзыдзагъэр къыхахыгъ.

Клуб 32-рэ зыхэлэжьэрэ зэнэкъокъум гъогогъу 62-рэ ешIакIохэм къэлапчъэм Iэгуаор дадзагъ. Хъагъэм Iэгуаор анахь дахэу дэзыдзагъэр «Краснодар» иешIакIоу Магомед Сулеймановыр ары.

Къэлапчъэм метрэ 20 фэдизкIэ пэчыжьэу М. Сулеймановыр зыдаом, Iэгуаор «дэпкъым» шъхьа­рыкIи, зэрэбыбырэ шIыкIэр зэблихъугъ, чэрэгъузэ къэлэпчъэ къогъупэм къофагъ.

М. Сулеймановыр Урысыем ихэшыпыкIыгъэ ныбжьыкIэ командэ хэт, Европэм икIэух зэ­нэкъокъу хэлэжьэнэу зегъэхьазыры.

Илъэс 20 зыныбжь ешIакIоу М. Сулеймановым тыфэгушIо, спортышхом нахь цIэрыIо щы­хъу­нэу фэтэIо. Испанием щешIэзэ къэлапчъэм Iэгуаор зэрэдидзагъэр дунаим щалъэгъугъ, къы­фэгушIуагъэх. Опсэу Магомед!

Сурэтым итыр: Магомед Сулеймановыр.