«Динамо-МГТУ» Мыекъуапэ — «Нефтехимик» Тобольск — 80:71 (21:17, 17:17, 19:12, 23:25). ШэкIогъум и 11-м Адыгэ республикэ спорт Унэшхоу «Ошъутенэм» щызэдешIагъэх. Зезыщагъэхэр: В. Новиков, А. Архипов, А. Сагайдачный. «Динамо-МГТУ»: Чичайкин — 2, Александров — 14, Гапошин — 9, Милютин — 2, Еремин — 22, Князев — 17, Кочнев — 14, Широков, Саленко.

Урысыем баскетболымкIэ иапшъэрэ купэу «Б-м» щыкIорэ зэнэкъокъум Мыекъопэ «Динамо-МГТУ-р» хэлажьэ. «Нефтехимикым» зыдешIэм, баскетболым хэгъозагъэхэм IэпэIэсэныгъэ ин къагъэлъэгъуагъ, текIоныгъэм яшъыпкъэу фэбэнагъэх.

ШэнышIу зэрэхъугъэу, Николай Ереминыр хъурджанэм дэжь дэгъоу щешIагъ. УхъумакIохэр къызэринэкIыхэзэ хъагъэм Iэгуа­ор бэрэ ридзагъ. Максим Князевыр «Динамо-МГТУ-м» бэмышIэу къыхэхьагъ, хъурджанэм Iэгуаор ридзэнымкIэ щысэшIу къегъэлъагъо.

Тикомандэ икапитанэу Илья Александровым, тренер-ешIакIоу Артем Гапошиным зэхэщэн Iоф­хэр дэгъоу зэIукIэгъум щагъэцэкIагъэх. ПсынкIэу, зэгурыIоныгъэ ахэлъэу ешIэхэзэ командэр текIоныгъэм фащагъ.

«Нефтехимикым» Мыекъуапэ ешIэгъур къыщихьын, апэ итхэм ахэуцон имурадыгъ. Хъурджанэм Iэгуаор анахьыбэрэ изыдза­гъэхэм ащыщых К. Архиповыр — 17, Т. Клюндиковыр, А. Жидкаменкэр — 15, Л. Никитенкэр — 9.

Ящэнэрэ едзыгъор 19:12-у «Динамэм» къыхьи, текIоныгъэр къыдихыным фэшI хэкIыпIэхэр къыгъотыгъэх

ЧIыпIэхэм шъузэпяплъ

Командэхэм ешIэгъоу яIагъэр зэфэдизэп, арэу щытми, чIыпIэу зыдэщытхэм, очко пчъагъэу яIэм тылъэплъэ. 1. «Барнаул» — 11 2. «Металлург» — 10 3. «Тамбов» — 9 4. «Динамо» Ст – 8 5. «Нефтехимик» — 8 6. «Чебоксарские ястре- бы» — 8 7. «Русичи» — 8 8. «ЧелБаскет» — 8 9. «Динамо-МГТУ» — 7 10. «МицуБаскет» — 5 11. «Барс-РГЭУ» — 5.

Зичэзыу зэIукIэгъухэр

19.11 «Тамбов» — «Динамо-МГТУ» 22.11 «МицуБаскет» — «Динамо- МГТУ» 30.11 «Динамо-МГТУ» — «Барс-РГЭУ».