Къыфэнагъэр зэIукIэгъуитIу
Европэм футболымкIэ изэнэкъокъу хэлэжьэрэ хэгъэгухэм яхэшыпыкIыгъэ командэхэм япэшIорыгъэшъ ешIэгъухэр кIэухым фэкIох.
Урысыем ихэшыпыкIыгъэ командэ ешIэгъуи 2 къыфэнагъ. ШэкIогъум и 15-м Тыркуем, и 18-м Сербием адешIэщт.
Венгриер шэкIогъум и 15-м Сербием, и 18-м Тыркуем аIукIэщт.
Хэт тыдэ щыIа?
1. Урысыер — 8 2. Венгриер — 7 3. Тыркуер — 3 4. Сербиер — 2.
Апэрэ чIыпIэр къыдэзыхырэр зэнэкъокъум занкIэу щылъыкIотэщт.
Урысыем ихэшыпыкIыгъэ командэ итренер шъхьаIэу Станислав Черчесовым къыIуагъ тиешIакIохэр зэIукIэгъухэм зэрафэхьазырхэр. ШэкIогъум и 12-м Молдавием икомандэ ныбджэгъу ешIэгъу дыриIагъ.