«Зэкъошныгъ» Мыекъуапэ — «Ессентуки» Ессентуки — 2:1. ШэкIогъум и 7-м Мыекъуапэ щызэдешIагъэх.

«Зэкъошныгъ»: Ковалев, ХъуакIо, Подковыров, Каракоз (Антоненко, 15), Хьагъур, Манченко, Андрейченко, Къонэ, Iащэ, Бабенко (Ещенко, 50), Крылов. Къэлапчъэм Iэгуаор дэзыдза­гъэхэр: Соломатин — 7, Е­с­сентуки, Къонэ — 86 (пенальти), 90+2, «Зэкъошныгъ»

«Ессентуки» ауж къинэрэ коман­дэхэм ахэкIыжьыным фэбанэ. «Зэкъошныгъэм» итренер шъхьаIэу Ешыгоо Сэфэрбый ар къыдилъыти, тиешIакIохэр зэIукIэгъум фигъэхьазырыгъэх. Арэу щытми, «Ессентуки» ыпэкIэ къи­лъыныр къыдэхъущтыгъ. Я 7-рэ такъикъым П. Солома­тиным «Зэ­къошныгъэм» икъэлапчъэ Iэгуаор дидзагъ. «Зэкъошныгъэр» пчъагъэу 0:1-р зэрихъокIыным фэшI бэрэ ыпэкIэ лъыкIотагъ. Я 86-рэ та­къикъым Къонэ Амир пеналь-тир ыгъэцакIи, пчъагъэр зэфэдэ хъугъэ. ТекIоныгъэр къыдихын имурадэу «Зэкъошныгъэр» ешIэщтыгъ. ЗэIукIэгъур зыщаухыщт уахътэм Къонэ Амир угловоир къызетым, Iэгуаор чэрэгъузэ «Ес­­сентуки» икъэлапчъэ дэфагъ.

ТекIоныгъэр къызэрэдихыгъэм дакIоу, «Зэкъошныгъэр» иешIакIэ зэрэлъыхъурэм тегъэгугъэ.

Я 14-рэ зэIукIэгъухэр

«Интер» — «Анжи» — 0:4, «Кубань» — «Динамо» — 2:0, «Мэщыкъу» — «Черноморец» — 0:1, СКА — «Кубань-Холдинг» — 0:1, «ТIуапсэ» — «Спартак» — 0:4, «Форте» — «Биолог» — 1:1. «Легион» — «Ессентуки» — 4:0, шэкIогъум и 3-м ешIагъэх.

ЧIыпIэхэр зэтэгъапшэх

1. «Кубань-Холдинг» — 32 2. «Легион» — 32 3. «Кубань» — 31 4. «Черноморец» — 26 5. СКА – 25 6. «Анжи» — 22 7. «Спартак» — 21 8. «Форте» — 18 9. «Динамо» — 17 10. «Мэщыкъу» — 17 11. «Зэкъошныгъ» — 15 12. «Махачкала» — 15 13. «Краснодар-3» — 14 14. «Биолог» — 11 15. «Ессентуки» — 11 16. «Интер» — 8 17. «ТIуапсэ» — 4.

ШэкIогъум и 14-м «Зэкъошныгъэр» «Биологым» истадион щешIэщт.