Европэм ифутбол клубхэу чемпионхэм якуп щыкIорэ зэнэкъокъум хэлажьэхэрэм ятIонэрэ едзыгъом хэхьэрэ ешIэгъухэр чъэпыогъум и 27 – 28-м яIагъэх.

Урысые Федерацием иклубхэу «Зенит» Санкт-Петербург», «Локомотив» Москва, «Краснодар» Краснодар Германием, Англием якомандэхэм адешIагъэх.

«Локомотив» — «Бавария» Германия — 1:2, «Шахтер» Украина — «Интер» Италия — 0:0. «Атлетико» Испания – «Зальцбург» Австрия — 3:2, «Боруссия» М, Германия — «Реал» Мадрид — 2:2, «Порту» Португалия — «Олимпиакос» Греция — 2:0, «Марсель» Франция — «Манчестер Сити» Англия — 0:3, «Аталанта» Италия – «Аякс» Нидерланды — 2:2, «Ливерпуль» Англия – «Мидтьюлланд» Дания — 2:0.

Чъэпыогъум и 28-м зэрешIагъэхэр

«Краснодар» — «Челси» Англия – 0:4, «Истанбул» Турция — ПСЖ Франция – 0:2, «Севилья» Испания — «Ренн» Франция — 1:0, «Боруссия» Д, Германия — «Зенит» — 2:0, «Брюгге» Бельгия — «Лацио» Италия — 1:1, «Ювентус» Италия — «Барселона» Испания — 0:2, «Ференцварош» Венгрия — «Динамо» К, Украина — 2:2, «Манчестер Юнайтед» Англия — «Лейпциг» Германия — 5:0.

ЕплъыкIэхэр

«Локомотив» Европэм икомандэ анахь лъэшэу Баварием дешIагъ. Пчъагъэу 1:2-м гумэкIыгъуабэ къыпкъырыкIырэп. «Локомотив» дунэе зэIукIэгъумэ ахэлажьэзэ иIэпэIэсэныгъэ хигъэхъощтэу тэлъытэ.

«Зенит» нахьышIоу ешIэн ылъэкIыщтэу зылъытэхэрэм адетэгъаштэ. Тренер шъхьаIэу Сергей Семак клубым ипащэхэр нахь пытэу зыкъоуцохэкIэ, «Зенит» игъэхъагъэхэм ахэхъощт.

«Краснодар» дунэе зэIукIэгъур апэрэу истадион щыриIагъ. Классон, Кабелла, Петровыр, Ари, нэмыкI ешIэкIо дэгъухэр зэIукIэгъум хэлэжьагъэхэп, япсауныгъэ зыпкъ иуцожьыгъэгоп.

— Я 75-рэ такъикъым судьяр хэукъуи, пенальтир ыгъэнэфагъ. ЯтIонэрэ Iэгуаор «Челси» тикъэ­лапчъэ къызыдедзэм, тиешIа­кIохэм ягуетыныгъэ къеIыхыгъ. ЕшIэгъур такъикъ 90-рэ мэхъу, — къыIуагъ «Краснодар» итренер шъхьаIэу Мурад Мусаевым.

Юрий Газинскэм къэлэпчъэпкъым Iэгуаор тыригъэфагъ, «Краснодар» инэмыкIрэ ешIа­кIохэм хъагъэм Iэгуаор дадзэнэу амалышIухэр яIагъэх.

«Челси» дунэе футболым щыцIэрыIу, утекIоныр къин. «Арэу щытми, Англием илъэси 4 щешIэгъэ Андрей Аршавиным, фэшъхьаф цIыф цIэрыIохэм къызэра­Iуагъэу, «Краснодар» ешIэгъур пчъэгъэ инкIэ зэрэшIуахьыгъэм судьям илажьэ хэлъ.

«Краснодар» зичэзыу ешIэ­гъухэм зафегъэхьазыры, къыфэгумэкIыхэрэр ыгъэгушIохэ шIо­игъу.

ЧIыпIэхэр

Куп пэпчъ команди 4 хэтэу ешIакIохэр зэнэкъокъух. Апэрэ чIыпIи 2-р къыдэзыхыхэрэр Европэм и Кубок фэбэнэщтых. Я 3-рэ чIыпIэр къыдэзыхырэр УЕФА-м и Кубок фэгъэхьыгъэ ешIэгъухэм ахэлэжьэщт.

Апэрэ купыр

1. «Бавария» — 6 2. «Атлетико» — 3 3. «Локомотив» — 1 4. «Зальцбург» — 1. Я 5-рэ купыр 1. «Челси» — 4 2. «Севилья» — 4 3. «Краснодар» — 1 4. «Ренн» — 1. Я 6-рэ купыр 1. «Лацио» — 4 2. «Брюгге» — 4 3. «Боруссия» Д – 3 4. «Зенит» — 0.

Апэрэ чIыпIэхэр нэмыкI куп­хэм ащызыIыгъыр: «Шахтер» — 4, «Манчестер-Сити» — 6, «Ливерпуль» — 6, «Барселона» — 6, «Манчестер-Юнайтед» — 6. Украинэм иятIонэрэ командэу «Динамэр» я 3-рэ чIыпIэм щыI.

ЕшIэгъухэр

03.11 «Локомотив» — «Атлетико» «Шахтер» — «Боруссия» «Зальцбург» — «Бавария» «Реал» — «Интер» «Манчестер-Сити» — «Олимпиакос» «Порту» — «Марсель» «Аталанта» — «Ливерпуль» «Мидтьюлланд» — «Аякс» 04.11 «Зенит» — «Лацио» «Истанбул» — «Манчестер-Ю» «Севилья» — «Краснодар» «Челси» — «Ренн» «Брюгге» — «Боруссия» «Барселона» — «Динамо» К «Ференцварош» — «Ювентус» «Лейпциг» — ПСЖ. ЕшIэгъухэр гъэшIэгъонэу макIох. Футбол дахэ къагъэлъагъозэ, текIоныгъэм фэбанэх.