ЦСКА-р лъыкIотэщт

УЕФА-м и Кубок къыдэхыгъэным фэгъэхьыгъэ зэнэкъокъум Европэм ифутбол клубхэр хэлажьэх.

Урысыем икомандэхэу «Динамо» Москва, «Ростов» Ростов-на-Дону пэшIорыгъэшъ ешIэгъухэр ашIуахьыгъэх, зэ­нэкъокъум къыхэзыгъэх. ЦСКА-р ары зэнэкъокъум къы­хэнагъэр.

Хорватием иклубэу «Динамо» Загреб ЦСКА-р зыдешIэм, пчъагъэр 0:0-у зэIукIэгъур Москва щаухыгъ. Ф. Чаловым, И. Обляковым, Н. Влашич, нэмыкIхэм къэлапчъэм Iэгуаор дадзэнымкIэ амалышIухэр яIагъэх. КъэлэпчъэIутэу И. Акинфеевыр цыхьэшIэгъоу ешIагъ.

ЦСКА-м итренер шъхьаIэу А. Ганчаренкэм зэрилъытэрэмкIэ, опытэу яIэ хъугъэр агъэфедэзэ, зичэзыу зэIукIэгъухэм командэр нахьышIоу ащешIэщт.