«Кубань-Холдинг» Краснодар — «Зэкъошныгъ» Мыекъуапэ — 1:1. Чъэпыогъум и 31-м Краснодар щызэдешIагъэх.

«Зэкъошныгъ»: Ковалев, Хьагъур, Подковыров, Каракоз, ХъуакIо, Манченко (Антоненко, 72), Андрейченко, Къонэ, Крылов, Iащэ, Бабенко (Букия, 85). Къэлапчъэм Iэгуаор дэзыдзагъэхэр: Зайкин — 19, «Кубань-Холдинг»; Iащэ — 37, «Зэ­къошныгъ».

«Кубань-Холдингым» зэнэ­къокъум апэрэ чIыпIэр щиIыгъэу «Зэкъошныгъэр» дешIагъ. Я 19-рэ такъикъым Зайкиным тикомандэ икъэлапчъэ Iэгуаор къызыдедзэм, Краснодар иешIакIохэм текIоныгъэр къыдахын ямура­дыгъ. АпэкIэ къилъыхэзэ, тиухъумакIохэр бэрэ агъэгумэкIыщтыгъэх.

«Зэкъошныгъэм» иешIакIоу Iащэ Анзор гум рихьэу ешIагъ. Гупчэм итэу ухъумакIохэр къызэринэкIыгъэх, изакъоу къэлэп­чъэ­Iутым екIугъ, хъагъэм Iэгуаор дидзагъ — 1:1.

Пчъагъэм хагъэхъонэу командэхэм амалышIухэр яIагъэх. ЗэIукIэгъур кIэухым зыщыфэкIорэ уахътэм «Зэкъошныгъэр» ыпэкIэ лъыкIотагъ. Къонэ Амир ухъумакIом IэкIэкIыгъ, игъусэхэр зылъищагъэх, ау тиешIакIохэм икъоу зэдырагъэштэнэу хъугъэп, текIоныгъэр аIэкIэкIыгъ.

«Зэкъошныгъэм» итренер шъхьа­Iэу Ешыгоо Сэфэрбый тиешIакIохэм зэрафэразэр къыти­Iуагъ.

Я 13-рэ зэIукIэ­гъухэр

«Анжи» — «Кубань» — 1:2, «Биолог» — «Мэщыкъу» — 5:1, «Динамо» — «Махачкала» — 1:1, «Ессентуки» — «Форте» — 2:1, «Краснодар-3» — СКА — 0:3, «Спартак» — «Интер» — 3:0, «Черноморец» — «ТIуа­псэ» — 1:0.

ЧIыпIэхэр

1. «Кубань-Холдинг» — 29 2. «Кубань» — 28 3. «Легион» — 26 4. СКА — 25 5. «Черноморец» — 23 6. «Анжи» — 19 7. «Спартак» — 18 8. «Форте» — 17 9. «Мэщыкъу» — 17 10. «Динамо» — 17 11. «Махачкала» — 15 12. «Краснодар-3» — 14 13. «Зэкъошныгъ» — 12 14. «Ессентуки» — 11 15. «Биолог» — 10 16. «Интер» — 8 17. «ТIуапсэ» — 4. «Зэкъошныгъэр» шэкIогъум и 7-м «Ессентуки» Мыекъуапэ щыIукIэщт.