Урысыем футболымкIэ ихэшыпыкIыгъэ бзылъ­фы­гъэ командэ Европэм изэнэкъокъу хэлажьэ.

ПэшIорыгъэшъ зэIукIэгъухэр купхэм ащэкIох. Апэрэ чIыпIитIур къыдэзыхыхэрэр Европэм икIэух зэнэкъокъу занкIэу ще­шIэщтых.

— Апэрэ чIыпIэр Голландием къыдихыщт. Тэ ятIонэрэ чIыпIэм тыфэбанэ, — зэхахьэм къыщи­Iуагъ Урысыем ибзылъфыгъэ хэшыпыкIыгъэ командэ итренер шъхьаIэу Елена Фоминам.

Урысыер Словением Москва зыщыдешIэм, 1:0-у текIоныгъэр къыдихыгъ. Нелли Коровкинам къэлапчъэм Iэгуаор дидзагъ. Чъэпыогъум и 27-м Урысыер Тыркуем 4:2-у текIуагъ. Iэгуаор дэзыдзагъэхэр: Коровкина — 13, Черномырдина — 22, 46, Машина — 49.

Зэтэгъапшэх

1. Голландиер — 27 2. Урысыер — 18 3. Словениер — 12 4. Косово — 10 5. Тыркуер — 2 6. Эстониер — 1.

Урысыем ихэшыпыкIыгъэ коман­дэ зы ешIэгъу къыфэнагъ. 2021-рэ илъэсым, гъатхэм Ко­сово IукIэщт.