Урысые Федерацием кушъхьэфэчъэ спор­тымкIэ изэнэкъокъу чъэ­пыогъум и 30-м Санкт-Петер­бург щы­рагъэжьэщт.

Урысые Федерацием баскетболымкIэ изэнэкъокъоу апшъэрэ купым щыкIорэм Мыекъопэ «Динамо-МГТУ-р» хэлажьэ. 2020 — 2021-рэ илъэс ешIэгъум купэу «Б-м» командэ 11 щызэIукIэщт.

Командэхэр

1. «Динамо-МГТУ» Мыекъуапэ 2. «Металлург» Магнитогорск 3. «Динамо» Ставрополь 4. «Челбаскет» Челябинск 5. «Барнаул» Алтай край 6. «Чебоксарские Ястребы» Чебоксары 7. «Нефтехимик» Тобольск 8. «Русичи» Курск 9. «Тамбов» Тамбов хэку 10. «МицуБаскет» Липецкэ хэку 11. «Барс-РГЭУ» Ростов-на-Дону.

«Динамо-МГТУ-м» иешIакIохэр

1. Александров Илья 2. Анищенко Артем 3. Гапошин Артем 4. Еремин Николай 5. Князев Максим 6. Кочнев Юрий 7. Майборода Кирилл 8. Милютин Александр 9. Рябов Юрий 10. Степаненко Сильвестр 11. Суслов Давид 12. Чаленко Даниил 13. Чичайкин Владимир 14. Широков Алексей.

Пащэхэр

Синельников Андрей — тренер шъхьаI. Гапошин Артем — тренер.

ЗэIукIэгъухэр

18.10 «Металлург» — «Динамо» 21.10 «ЧелБаскет» — «Динамо» 31.10 «Динамо» — «Русичи» 8.11 «Динамо» — «Ч. Ястребы» 11.11 «Динамо» — «Нефтехимик» 19.11 «Тамбов» — «Динамо» 22.11 «МицуБаскет» — «Динамо» 20.11 «Динамо» — «Борс-РГЭУ» 2.12 «Динамо» — «Барнаул» 11.12 «Динамо» С — «Динамо-МГТУ» «Динамо» — «ЧелБаскет» ШъунаIэ тешъудз: апэу зыцIэ къетIогъэ командэхэм якъалэ­хэм ешIэгъухэр ащыкIощтых.

2021-рэ илъэсым зэIукIэгъухэр зыщыIэщтхэ мафэхэр икъоу гъэ­нэфагъэхэ хъумэ къыхэтыутыщтых.

ЕплъыкIэхэр уахътэм дештэх

Мыекъопэ баскетбол командэу «Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Андрей Синельниковым игупшысэхэм къащыхигъэщыгъэ зэфэхьысыжьхэр неущрэ мафэм нахь телъытагъэх. ТиешIакIохэр 2020 — 2021-рэ илъэсым фэхьазырых. Зэпахырэ узым къыхэкIэу зэнэ- къокъур тызэрэфаем фэдэу зэхащэн алъэкIырэп.

БлэкIыгъэ илъэсхэм мэфитIум къыкIоцI командэхэр тIогъогогъо зэдешIэщтыгъэх. Мыгъэ зырызэ зэIукIэщтых.

КIэух зэдешIэгъухэр зэрэзэхащэщтхэм хэушъхьафыкIыгъэу шъущыдгъэгъозэщт.

Адыгеим щапIугъэ кIалэхэр на­хьыбэ хъухэу «Динамо-МГТУ-м» щешIэнхэм тренерхэр пылъых. Спорт ыкIи гурыт еджапIэхэм защызыгъасэхэрэм алъэплъэх, республикэм зэнэкъокъухэр щы­зэхащэх.

Тренер IэпэIасэу Юрий Бойко сэнаущыгъэ зыхэлъ ныбжьыкIэ­хэм Iоф адешIэ. Адыгеим испорт иветеранэу, СССР-м спортымкIэ имастерэу Сергей Золотцевым къызэрэтиIуагъэу, «Динамо-МГТУ-р» Урысыем щызэлъашIэ, медальхэр къыхьыгъэх, игъэ­хъагъэмэ ахигъэхъон ылъэ­кIыщт.

«Динамо-МГТУ-м» иешIэгъухэр республикэ спорт Унэшхоу «Ошъу­тенэм» щыкIощтых. Спорт псэуалъэм ипащэу Осмэн Альберт къызэрэтиIуагъэу, «Ошъутенэр» зэнэкъокъум фытегъэ­псыхьагъ. Спортыр зышIогъэшIэгъонхэм зэхэщакIохэр яжэх.