Купэу «Къыблэм» хэт футбол командэхэм я 12-рэ ешIэгъухэр чъэпыогъум и 25 — 26-м яIагъэх.

КIэуххэр зэтэгъапшэх

«Интер» — «Черноморец» — 0:5, «Кубань» — «Спартак» — 2:2, «Махачкала» — «Анжи» — 1:0, «Мэщыкъу» — «Ессентуки» — 0:3, СКА – «Легион» — 2:2, «ТIуапсэ» — «Биолог» — 3:2, «Форте» — «Кубань-Холдинг» — 1:0. «Ессентуки» — «ТIуапсэ» — 4:4. Чъэпыогъум и 19-м зэIукIагъэх.

Адыгэмэ ятарихъ къалэу ТIуа­псэ апэрэ текIоныгъэр зэнэкъо­къум къыщихьыгъ. ИешIакIэ зэ­рэхигъахъорэм фэшI тегъэгушIо. Краснодар икомандитIу апэрэ чIыпIэм фэбанэ. «Кубань» итренер шъхьаIэ зэрэзэблахъугъэм ишIуагъэ къэкIощтмэ зэнэкъокъум шIэхэу къыщылъэгъощт. Уахътэр джэуапышIу.

«Черноморец», «Легион», СКА — ахэри апэ ишъы зышIоигъохэм ащыщых. «Зэкъошныгъэр» ауж къинэрэп, ау иешIакIэ тегъэ­гу­мэкIы.

ТигъэгушIуагъэп

«Зэкъошныгъ» Мыекъуапэ — «Краснодар-3» Краснодар — 1:4. Чъэпыогъум и 25-м Мые­къуапэ щызэдешIагъэх.

Къэлапчъэм Iэгуаор дэзыдзагъэхэр. Катрич — 10, 49, Семенов — 25, Коломийцев — 43 — «Краснодар-3», Къонэ — 69, пенальти.

«Зэкъошныгъэм» иешIэгъухэм якIэуххэм тагъэгушIорэп. Тренер шъхьаIэу Ешыгоо Сэфэрбый ти­зэдэгущыIэгъу къыщыхигъэщыгъ ешIэкIо ныбжьыкIэхэр клубым зэраштэхэрэр. ЯIэпэIэсэныгъэ ха­гъэхъоным, зыпкъ итыхэу ешIэнхэм афэшI уахътэ ящыкIагъ.

Хэт тыдэ щыIа?

1. «Кубань-Холдинг» — 28 2. «Легион» — 26 3. «Кубань» — 25 4. СКА — 22 5. «Черноморец» — 20 6. «Анжи» — 19 7. «Форте» — 17 8. «Мэщыкъу» — 17 9. «Динамо» — 16 10. «Спартак» — 15 11. «Махачкала» — 14 12. «Краснодар-3» — 14 13. «Зэкъошныгъ» — 11 14. «Интер» — 8 15. «Ессентуки» — 8 16. «Биолог» — 7 17. «ТIуапсэ» — 4.

Гуетыныгъэм имэхьан

Чъэпыогъум и 26-м Краснодар ешIэгъоу щыкIуагъэм кIэу­хэу фэхъугъэр тшIогъэшIэгъон. «Кубань» — «Спартак» Налщык зыIокIэм, пчъагъэр 2:0 хъугъэ. Я 37-рэ, 48-рэ такъикъхэм Мам­товым ыкIи Грузновым «Спартак» икъэлапчъэ Iэгуаор да­дзагъ. Налщык иешIакIохэу Хьакирэм ыкIи Пашътэм я 62-рэ, 68-рэ такъикъхэм «Кубань» икъэлапчъэ Iэгуаор дадзагъ. ТекIоны­гъэр зыхьыщтыр язэрэмыгъа- шIэу ешIэгъур аухыгъ.

«Зэкъошныгъэм» иешIакIэ зэ­блихъунэу, ухъумакIохэм пытагъэ къызыхагъэфэнэу гупчэм ыкIи ыпэкIэ щешIэхэрэм зэхэщэн Iофхэр нахьышIоу агъэцэкIэнэу, къэлапчъэм Iэгуаор нахьыбэрэ дадзэнэу афэтэIо.

«Зэкъошныгъэр» чъэпыогъум и 31-м Краснодар щыIукIэщт «Кубань-Холдингым». Апэ итым удешIэныр нахь гъэшIэгъон.