КIыкI Юр Къэлэубатэ ыкъу
РСФСР-м изаслуженнэ артистэу, Адыгеим инароднэ артистэу, республикэм итын анахь лъапIэу, медалэу «Адыгеим и Щытхъузехь» зыфиIорэр зыфагъэшъошагъэу, цIыфхэм шIу алъэгъущтыгъэ, сценэм илъэс 60 фэдизрэ тетыгъэ КIыкI Юрэ Къэлэубатэ ыкъор илъэс 85-м итэу идунай ыхъожьыгъ.
Сэнаущыгъэшхо зыхэлъ артистэу, цIыф Iушэу щытыгъ, лъэпкъ театрэм хэхъоныгъэ ышIыным иIахьышхо хэлъ. Уилъэпкъ шIу плъэгъунымкIэ, уиIофшIэн уфэшъыпкъэнымкIэ ащ ищыIэныгъэ гъогу щысэтехыпI.
Театральнэ искусствэмкIэ Къэралыгъо институтым иадыгэ студие къэзыухыгъэхэм ягъусэу 1962-рэ илъэсым Мыекъуапэ къыгъэзэжьыгъ ыкIи непэрэ мафэм нэс исценэ гупсэ фэлэжьагъ. Сэнаущыгъэу хэлъым ишIуагъэкIэ цIыфхэм агу рихьыгъэ роль 250-рэ фэдиз къышIыгъ. Ахэм ащыщых «Дэхэбаринэ ихьакIэщ», «Псэлъыхъохэр», «Мэдэя» зыфиIохэрэм ыкIи нэмыкIыбэхэм къащишIыгъэхэр.
КIыкI Юрэ блэкIыгъэ уахътэм епхыгъэу укъытегущыIэныр къины. Тыгу илъ, шIу тэлъэгъу, тыфэшъыгъо!
Адыгэ Республикэм и Лъэпкъ театрэ иIофышIэхэр.