Хэгъэгум ия 2-рэ куп хэт футбол командэхэу «Къыблэм» щешIэхэрэм я 11-рэ зэIукIэгъухэр яIагъэх.

КIэуххэр

«Анжи» — «Динамо» — 2:1, «Краснодар-3» — «Форте» — 1:3, «Кубань-Холдинг» — «Мэщыкъу» — 1:0, «Легион» — «Зэкъошныгъ» — 4:0, «Спартак» — «Махачкала» — 3:2, «Черноморец» — «Кубань» — 1:2.

ЧIыпIэу зыдэщытхэр

1. «Кубань-Холдинг» — 28 2. «Легион» — 25 3. «Кубань» — 24 4. СКА – 21 5. «Анжи» — 19 6. «Мэщыкъу» — 17 7. «Черноморец» — 17 8. «Динамо» — 16 9. «Форте» — 14 10. «Спартак» — 14 11. «Зэкъошныгъ» — 11 12. «Махачкала» — 11 13. «Краснодар-3» — 8 14. «Интер» — 8 15. «Биолог» — 7 16. «Ессентуки» — 4 17. «ТIуапсэ» — 0.

ШъунаIэ тешъудз: СКА-р «ТIуа­псэ» зыIокIэм, ешIэгъур зэфэдэу аухыгъагъ. ЗэхэщакIохэр Iофым зыхэплъэжьыхэм, «ТIуапсэ» зэнэкъокъум ишапхъэхэр ыукъуа­гъэхэу къыхагъэщи, 3:0-у СКА-р текIуагъэу алъытагъ.

Я 12-рэ ешIэгъухэр чъэпы­огъум и 25-м «Къыблэм» щыкIощтых. «Зэкъошныгъэр» «Краснодар-3-м» Мыекъуапэ щыIукIэщт. «Краснодар-3-м» ешIэкIо ныбжьыкIэу хэтыр бэ. «Зэкъошныгъэри» ащ фэд, еджапIэр къэзыухыгъэу аштагъэр макIэп. ЯIэпэIэсэныгъэ хагъахъозэ, ясэнаущыгъэ ешIакIохэм къызэIуахы. «Зэкъошныгъэм» итренер шъхьа­Iэу Ешыгоо Сэфэрбый зэрилъы­тэрэмкIэ, зичэзыу зэIукIэгъоу Мыекъуапэ щыкIощтыр гъэ­шIэ­гъон хъущт.