«Ростов-Дон» Ростов-на-Дону — «АГУ-Адыиф» Мыекъуапэ — 37:19.

Чъэпыогъум и 14-м Ростов-на-Дону щызэдешIа­гъэх.

— Хэгъэгум изэнэкъокъоу суперлигэм щыкIорэм гандбол командэу «Ростов-Доным» апэрэ чIыпIэр щиIыгъ, Европэм и Кубок къыдэхыгъэным фэбанэ. «Адыифым» иешIэкIуи 7 Ростов-на-­Дону щыкIогъэ зэIукIэгъум хэлэ­жьагъэп, шъобжхэр атещагъэх. ЕшIэкIо 13 ныIэп тикомандэ хэ­тыгъэр, — къытиIуагъ Мыекъопэ клубэу «Адыифым» ипащэу Къу­дайнэт Мэджыдэ. — Кобл Зуриет — 5, Амина Морозовам — 5, Ангелина Куцеваловам — 3 «Ростов-Доным» икъэлапчъэ Iэгуаор дадзагъ. Типшъашъэхэм ахэр нахь къахэщыгъэх.

«Адыифым» зичэзыу ешIэгъум зыфегъэхьазыры. Чъэпыогъум и 27-м Мыекъуапэ щыIукIэщт «Университет» Ижевск. Зэнэ­къокъур Адыгэ Республикэм испорт Унэшхоу Кобл Якъубэ ыцIэ зыхьырэм щыкIощт.

ЕшIэгъухэм якIэуххэр

«Ставрополье» Ставрополь — «Кубань» Краснодар — 30:31, «Луч» Москва — ЦСКА Москва — 24:43, «Звезда» Звенигород — «Университет» Ижевск — 40:25.

Мыекъопэ «Адыифыр» я 7-рэ чIыпIэм щыI. Зэнэкъокъум щы­лъыкIотэным, апэ ит команди 8-мэ пытэу ахэуцоным фэшI «Университетым» текIон фае. «Университетми» ащ фэдэ пшъэ­рылъхэр иIэх. Арышъ, зичэзыу ешIэгъур псынкIэ хъущтэп.