Урысыер — Тыркуер — 1:1 Чъэпыогъум и 11-м Москва щызэдешIагъэх.

Европэм футболымкIэ изэнэ­къокъу хэлэжьэрэ командэхэр пэшIорыгъэшъ ешIэгъухэм купхэм ащызэIукIагъэх. Урысыер Тыркуем зыдешIэм, апэрэ едзыгъом нахь тигъэгугъагъ. Краснодар краим щапIугъэ Антон Миранчук къэлапчъэм Iэгуаор дидзагъ – 1:0.

ЯтIонэрэ едзыгъом Тыркуем икомандэ иешIакIэ зэхъокIыныгъэхэр фэхъугъэх, нахьыбэрэ ыпэкIэ къилъэу ыублагъ. Я 62-рэ такъикъым пчъагъэр 1:1 хъугъэ.

Урысыем ихэшыпыкIыгъэ коман­дэ итренер шъхьаIэу Станислав Черчесовым къызэри­Iуагъэу, Тыркуем иешIакIохэр текIоныгъэм нахь пэблагъэхэу уахътэ къыхэкIыгъ. Ар С. Черчесовым къыдилъыти, ухъумэн Iофыгъохэр тикомандэ ыгъэцакIэу фежьагъ.

А. Дзюбэ, А. Мостовоим пчъа­гъэм хагъэхъонэу амалышIухэр яIагъэх, ау Тыркуем икъэлэпчъэ­Iут цыхьэшIэгъоу ешIагъ. Урысыем икъэлэпчъэIутэу А. Шуниныр иIэпэIэсэныгъэкIэ къахэщыгъ. Арэу щытми, къэлэпчъэпкъым Iэгуаор къытефэу къыхэкIыгъ. ТиухъумакIохэм гумэкIыгъуабэ яIэу зэIукIэгъур аухыгъ.

ЧIыпIэхэр

1. Урысыер — 7 2. Венгриер — 6 3. Тыркуер — 2 4. Сербиер — 1.

Чъэпыогъум и 14-м Урысыер Венгрием дешIэщт, купым ятIо­нэрэ къекIокIыгъор щырагъэ­жьэщт.

Европэм изэнэкъокъу хэлэ­жьэрэ командэхэм яешIэгъухэм ащыщхэр зэраухыгъэхэр зэтэгъа­пшэх.

Англия — Бельгия — 2:1, Хорватия — Швеция — 2:1, Армения — Грузия — 2:2, Португалия — Франция — 0:0, Израиль — Чехия — 1:2, Польша — Италия — 0:0, Норвегия — Румыния — 4:0, Греция — Молдавия — 2:0, Сербия — Венгрия — 0:1.

Сатыр заулэкIэ

Рэщыд Рахимовыр футбол клубэу «Уфа» Уфа итренер шъхьа­Iэу агъэнэфагъ. Вадим Ев­сеевыр IэнатIэм IукIыжьыгъ.

ЯтIонэрэ купыр

«Зэкъошныгъ» Мыекъуапэ — СКА Ростов-на-Дону — 1:3. Чъэпыогъум и 11-м Мыекъуа­пэ щызэIукIагъэх.