Мыекъопэ баскетбол командэу «Динамо-МГТУ-м» 2020 — 2021-рэ илъэс ешIэгъур чъэпыогъум и 18-м ригъэжьэщт.

— Апшъэрэ купым тыщешIэщт, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым. — Апэрэ мафэхэм тиIэщт зэIукIэгъухэм тащыгъуаз.

Чъэпыогъум и 18-м «Динамо-МГТУ-р» Магнитогорскэ щы­IукIэщт чIыпIэ командэу «Металлургым». Чъэпыогъум и 21-м Адыгеим икомандэ Челябинскэ щешIэщт. Мы мазэм иаужырэ мафэхэм «Динамо-МГТУ-м» Мыекъуапэ зэIукIэгъу щыриIэнэу щыт.