«Зэкъошныгъ» Мыекъуапэ – «Мэщыкъу» Пятигорск – 1:1 (0:0). Iоныгъом и 20-м Адыгэ Республикэм истадион шъхьаIэ щызэдешIагъэх.

«Мэщыкъом» иешIакIоу Габуловым икъэлапчъэ Iэгуаор я 52-рэ такъикъым дидзэжьыгъ. «Зэкъошныгъэм» текIоныгъэр къыдихыщтэу тыгугъэщтыгъ, ау я 67-рэ такъикъым Карибовым тикомандэ икъэлапчъэ Iэгуаор къыдидзагъ. Пчъагъэр 1:1-у зэ­хъум, Адыгеим иешIакIохэр бэрэ апэкIэ илъыгъэх, арэу щытми, опыт зэрямыIэм къыхэкIэу пчъа­гъэм хагъэхъон алъэкIыгъэп. Тикъэлапчъэ къызэраухъумэщт шIыкIэм ыгъэгумэкIхэу уахътэ къыхэкIыгъ.

Я 7-рэ ешIэгъухэр

«Биолог» — «Анжи» — 1:1, «Ессентуки» — «Динамо» — 2:0, «Краснодар-3» — «Кубань» — 0:1, «Кубань-Холдинг» — «Махачкала» — 3:0, «Легион» — «Интер» — 4:1, «Черноморец» — «Спартак» — 0:2.

Ткъош Къэбэртэе-Бэлъкъарым икомандэу «Спартак» Налщык зэкIэлъыкIоу текIоныгъитIу къыдихыгъ. Новороссийскэ зыщешIэм я 36-рэ, я 82-рэ такъикъхэм къэлапчъэм Iэгуаор дидзагъ. Командэ анахь лъэшхэм ащыщэу «Черноморцем» «Спартакыр» зэрэтекIуагъэм, ауж къинэхэрэм къазэрэхэкIыжьыгъэм фэшI тыфэгушIо. «Ессентуки» апэрэ текIоныгъэр къыдихи, аужырэ чIыпIэр къыбгынагъ.

Къалэу ТIуапсэ икоманди иешIакIэ хигъэхъощтэу тегъэгугъэ. ЕшIэгъуи 6-ри зэрэшIуахьыгъэр тыгу къео.

ЧIыпIэхэр зэтэгъапшэх

1. «Кубань-Холдинг» — 16 2. «Кубань» — 15 3. «Легион» — 15 4. «Анжи» — 14 5. СКА – 12 6. «Мэщыкъу» — 11 7. «Форте» — 10 8. «Спартак» — 10 9. «Черноморец» — 10 10. «Динамо» — 10 11. «Зэкъошныгъ» — 8 12. «Махачкала» — 7 13. «Краснодар-3» — 7 14. «Биолог» — 4 15. «Интер» — 4 16. «Ессентуки» — 3 17. «ТIуапсэ» — 0. Iоныгъом и 27-м «Зэкъошныгъэр» Таганрог щыIукIэщт «Фортем».