Адыгэ Республикэм футболымкIэ и Кубок къыдэхыгъэным фэгъэхьыгъэ зэIукIэгъухэр къалэхэм, район гупчэхэм ащэкIох.

ПэшIорыгъэшъ ешIэгъухэм якIэуххэм гъэзетеджэхэр ащытэгъэгъуазэх.

«Арсенал» Мыекъуапэ – АРСШОР Мыекъуапэ – 3:2, «Интер» Кощхьабл – «Кощхьабл» Кощхьабл – 7:2, «АСБИР» Адыгэкъал – «Красногвардейск» Красногвардейск – 3:0, «ПкIашъ» Теуцожь район – «Зэкъошныгъ-2» Мыекъуапэ – 0:3.

– «Интерым» иешIакIоу Пэщтыкъэ Аслъан «Кощхьаблэм» икъэлапчъэ гъогогъуи 4 Iэгуаор дидзагъ, – къытиIуагъ Адыгэ Республикэм футболымкIэ и Федерацие итхьаматэу Николай Походенкэм. – Финалныкъом команди 4 хэхьагъ.

Адыгэкъалэ иешIакIохэр, «Арсеналыр», «Интерыр», «Зэкъошныгъ-2-р» финалныкъом щызэIукIэщтых. ЕшIэгъухэр зыщыIэщтхэ мафэхэр агъэунэфыщтых.

Адыгэ Республикэр къэралыгъо гъэпсыкIэ иIэу зэрэпсэурэм фэгъэхьыгъэ зэнэкъокъухэр волейболымкIэ, баскетболымкIэ, футбол цIыкIумкIэ, шы спортымкIэ, нэмыкI спорт лъэпкъхэмкIи зэхащэх. Республикэм и Мафэ ехъулIэу футболымкIэ Кубокым фэбанэхэрэр зэдешIэщтых.