Мыекъопэ гандбол клубэу «Адыифым» изичэзыу ешIэгъухэр зыщыкIощтхэ мафэхэр зэблахъугъэх.

Iоныгъом и 5-м «Адыифыр» Краснодар щыIукIэнэу щытыгъ чIыпIэ командэу «Кубань».

– «Кубань» иешIэкIуи 5 сымаджэ зэрэхъугъэм къыхэкIэу командэм иIэшъхьэтетхэм ешIэгъур нэмыкI мафэ зэхэтщэнэу зыкъытфагъэзагъ, – къытиIуагъ клубэу «Адыифым» ипащэу Къудайнэт Мэджыдэ. – Гъунэгъу краим зэфыщытыкIэшIухэр дытиIэх, ешIакIохэмкIэ тызэхъожьэу къыхэкIы. Ар къыдэтлъыти, Краснодар икомандэ илъэIу фэдгъэцэкIагъ.

Тыгъэгъазэм и 19-м «АГУ-Адыифыр» «Кубань» IукIэщт, зэнэ­къокъур Краснодар щыкIощт. «Кубань» ипащэхэр клубэу «Адыифым» къыфэразэх, «тхьашъуегъэпсэу» къыраIожьыгъ.

«Уфа-Алиса» Уфа Iоныгъом и 11-м Мыекъуапэ щешIэнэу щы­тыгъ, ау «Кубань» зэIукIэгъухэм ахэлэжьэн зэримылъэкIыщтым къыхэкIэу зэIукIэгъур фэшъхьаф мафэ зэхащэнэу зэзэгъыгъэх.

Iоныгъом и 16-м «Адыифыр» «Звездам» Звенигород щыIу­кIэщт. Iоныгъом и 18-м Адыгеим икомандэ Москва щыIукIэщт «Лучым».