Советскэ скульпторэу Эрьзя фэсэгъэхьыУиIэшIэгъэ хьалэмэтхэм саумэхъыгъэу сыщыт, ГупшысэкIэ чыжьэу сэIабэ. Эрьзя! Ощ фэдэу къэхъурэр зырыз. ЕгъэшIэрэ щытхъур уилъэпкъ къыфэпхьыгъ… Сшы уфэзгъадэу сыкъыпфэщагъ, ЧIым къытебнагъ лъэуж дахэ. Зэрэдунаеу пцIэ щызэлъашIагъ, ПIапэ къыпыкIыгъэхэм Урысыер арэгушхо. Дунаир зэрэгъунэнчъэм фэдэу, Эрьзя, пцIэ тарихъым хэлъ зэпытыщт. Тхьэм итын икъукIэ къызфэбгъэфедагъэшъ, Дунаир зэтетыфэ уищытхъу аIощт. УиIэшIагъэхэр уисабыйхэу плъытэзэ, Ппсэрэ пкIуачIэрэ ахэм ахэппшагъ. ЛъэгапIэм утетэу укъытхаплъэ, Урысыем пытэу ухэгъэчъыхьагъ. * Советскэ скульпторэу Эрьзя (Нефедов Степан Дмитрий ыкъор) 1876-рэ илъэсым къэхъугъ, 1959-рэ илъэсым идунай ыхъожьыгъ. 1906 — 1914-рэ, 1925 — 1950-рэ илъэсхэм IэкIыб къэралыгъохэм Iоф ащишIагъ.