«Адыиф» Мыекъуапэ — «Астраханочка» Астрахань — 17:33 (8:13). ШышъхьэIум и 23-м республикэ спорт Унэшхоу «Ошъутенэм» щызэдешIагъэх.

Суперлигэм хэт бзылъфыгъэ командэхэм 2020 — 2021-рэ илъэс ешIэгъур рагъэжьагъ. Гандбол клубэу «Адыифыр» хэгъэгум икомандэ анахь лъэшхэм ащыщэу «Астраханочкэм» ти­къалэ щыIукIагъ.

«Адыифым» иешIакIохэу къэлапчъэм Iэ­гуаор дэзыдзагъэхэр: Клименко — 3, Богданова — 3, Стрельцова — 3, Морозова — 2, Серадская — 2, Краснокутская — 1, Никулина — 1, Куцевалова — 1, Казиханова — 1.

ЗэIукIэгъум хэлэжьагъэх къэлэпчъэIутхэу Ко­жубековар, Баскаковар, ешIакIоу Коблыр, нэ­мыкIхэри. ЗэхэщакIохэм «Адыифым» анахь дэгъоу щешIагъэу къыхахыгъэр Баскаковар ары.

Клубым ипащэу Къудайнэт Мэджыдэ, тренер шъхьаIэу Никита Голуб къызэрэтаIуагъэу, я 7 — 8-рэ чIыпIэхэм типшъашъэхэр афэбэнэщтых. ШышъхьэIум и 27-м «Адыифыр» «Динамо» Волгоград Мыекъуапэ щыIукIэщт. «Динамэр» командэ гурытхэм ащыщ. «Адыифым» ешIэкIэ дэгъу къыгъэлъэгъонэу, текIоныгъэр къыдихынэу фэтэIо.