Урысыем футболымкIэ иапшъэрэ куп хэт командэхэм шышъхьэIум и 22 — 23-м я 4-рэ ешIэгъухэр яIагъэх.

КIэуххэр

«Урал» — «Краснодар» — 1:0, «Химки» — «Ахмат» — 1:2, «Арсенал» — «Динамо» — 2:0, «Зенит» — «Тамбов» — 4:1, «Ротор» — «Шъачэ» — 1:2, ЦСКА — «Рубин» — 1:2, «Уфа» — «Ростов» — 0:1, «Спартак» — «Локомотив» — 2:1.

«Краснодар» пчъагъэу 0:1-м емызэгъэу бэрэ ыпэкIэ илъыгъ. Къэлэпчъэбгыкъум Iэгуаор ты­ригъафэу, хъагъэм Iэгуаор ди­дзэнэу чIыпIэшIу ифэу къыхэ­кIыгъ. «Урал» инасып къыхьыгъ, текIоныгъэр къыдихыгъ.

«Ахмат», «Арсенал», «Шъачэ» яешIакIэ хагъахъо. Адыгэмэ ятарихъ къалэу Шъачэ икомандэ тегъэгушIо. «Рубиным» 3:2-у зытекIом ыуж Волгогради зэIу­кIэгъур къыщихьыгъ, апэ итхэм ащыщ хъугъэ. ЕшIакIоу Нобоа иIэпэIэсэныгъэкIэ командэм къыхэщы.

ЦСКА-р «Рубин» дешIэзэ, С. Ба­каевым Iэгуаор къэлапчъэм дидзагъ. ЦСКА-м хэтэу Н. Влашич ухъумакIохэр ыгъэплъэхъухи, «Рубин» икъэлапчъэ дахэу Iэгуаор дидзагъ — 1:1. Зэнэкъо­къур аухынымкIэ зы такъикъ къэнагъэу Д. Макаровым ЦСКА-м икъэлэпчъэIутэу И. Акинфеевым Iэгуаор шIудидзагъ. Татарстан икомандэ 2:1-у текIоныгъэр Москва къыщихьыгъ.

Санкт-Петербург иешIакIохэр зэкIэми анахь лъэшыхэшъ, хэу­шъхьафыкIыгъэу къыхэдгъэщы­хэрэп.

«Спартак» ыкIи «Локомотив» язэдешIэгъу уеплъынкIэ гъэшIэгъоныгъ. «Локомотив» ешIэгъур 1:0-у ыхьызэ, «Спартак» иешIа­кIохэу Д. Ларссенрэ А. Соболевымрэ къэлапчъэм Iэгуаор зырызэ дадзагъ, «Спартак» 2:1-у текIуи, ятIонэрэ чIыпIэм нэсыгъ.

Зэтэгъапшэх Командэхэм ешIэгъу плIырыплI яIагъ.

1. «Зенит» — 12 2. «Спартак» — 8 3. «Шъачэ» — 8 4. «Локомотив» — 7 5. «Ахмат» — 7 6. «Динамо» — 7 7. «Краснодар» — 6 8. ЦСКА – 6 9. «Ростов» — 6 10. «Урал» — 5 11. «Рубин» — 4 12. «Уфа» — 4 13. «Арсенал» — 4 14. «Тамбов» — 3 15. «Химки» — 1 16. «Ротор» — 1. Я 5-рэ

зэIукIэгъухэр

25.08. 18:30 «Тамбов» — «Шъачэ» 25.08. 20:30 «Арсенал» — «Химки» 25.08. 16:30 «Локомотив» — «Ахмат» 26.08. 18:30 «Ротор» — «Спартак» 26.08. 18:30 «Рубин» — «Уфа» 26.08. 20:30 «Краснодар» — ЦСКА 26.08. 20:30 «Ростов» — «Урал» 26.08. 20:45 «Динамо» — «Зенит»