Мыекъопэ баскетбол командэу «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковыр зэIукIэу Москва щыкIуагъэм хэлэжьагъ.

— Урысыем баскетболымкIэ и Федерацие изэхахьэ Iофыгъо шъхьаIэу къыщаIэтыгъэр хэгъэгум баскетболымкIэ и Федерацие и Президент хэдзыгъэныр ары, — къытиIуагъ Андрей Синельниковым.

Спортышхом щыцIэрыIоу Анд­рей Кириленкэр Федерацием ипащэу щытыгъ. Зэхахьэм хэла­жьэхэрэм зэдырагъашти, А. Ки­риленкэр Федерацием и Президентэу хадзыгъ.

Урысыем ишъолъырхэм баскетболым нахь защиушъомбгъу­ным, Олимпиадэ джэгунхэм, ду­нэе зэнэкъокъухэм тиспорт­сменхэр чанэу зэрахэлэжьэщтхэм Андрей Кириленкэр къатегущыIагъ. Краснодар краим щы­сэшIу къыгъэлъагъозэ зэIукIэгъу гъэшIэгъонхэр зэрэщызэхащэрэр къыхигъэщыгъ.

«Динамо-МГТУ-м» 2020 — 2021-рэ илъэс зэнэкъокъум зыфегъэхьазыры. ШышъхьэIум и 25-м ыкIи 26-м ныбджэгъу ешIэгъухэр «Локомотив-Кубань» ды­риIэщтых. ЗэIукIэгъухэр Краснодар щыкIощтых. IэкIыб къэралхэм ащыщ ешIакIохэу «Локомотив-Кубань» хэтхэр зэIукIэгъум хэлэ­жьэщтхэп.