Хэгъэгум футболымкIэ иапшъэрэ куп хэт командэхэм шышъхьэIум и 14 — 15-м ятIонэрэ зэIукIэгъухэр яIагъэх.

КIэуххэр

«Арсенал» — «Уфа» — 2:3, «Шъачэ» — «Химки» — 1:1, «Спартак» — «Ахмат» — 2:0, «Динамо» — «Ротор» — 0:0, «Рубин» — «Урал» — 1:1, ЦСКА — «Тамбов» — 2:1, «Локомотив» — «Краснодар» — 1:0, «Ростов» — «Зенит» — 0:2.

Адыгэхэм ятарихъ къалэу Шъачэ икомандэ «Химки» зыфи­Iорэм дэгъоу дешIагъ. Трошечкиным «Шъачэ» икъэлапчъэ Iэгуаор зыдедзэм, ешIапIэм ибысымхэм ягуетыныгъэ къырагъэ­Iыхыгъэп. Нобоа «Химки» ихъа­гъэ Iэгуаор я 63-рэ такъикъым дидзагъ, 1:1 пчъагъэр хъугъэ. «Шъачэ» бэрэ ыпэкIэ зэрилъыщтыгъэм ешIэгъур къыгъэдэхагъ.

«Ростов» ыкIи «Зенит» язэ­IукIэгъу уеплъынкIэ гъэшIэгъоныгъэ. С. Азмун пенальтикIэ бысымхэм якомандэ икъэлапчъэ Iэгуаор дидзагъ.

«Локомотиврэ» «Краснодаррэ» язэдешIэгъуи узыIэпищэу кIуагъэ. Арэу щытми, «Локомотив» иухъу­макIо шапхъэр ыукъуи, «Краснодар» иешIакIоу Берг ешIапIэм зыщытырегъафэм, пенальти судьям ыгъэунэфыгъэп.

Алексей Миранчук офсайдым икIыжьи, ащ лъыпытэу Iэгуаоу къыратыгъэр «Краснодар» икъэлапчъэ дидзагъ.

Журналистхэм телекъэтыным зэрэщыхагъэунэфыкIыгъэу, «Локо­мотив» истадион щыкIогъэ ешIэгъум Краснодар краим, Адыгэ Республикэм арыкIыгъэхэр еплъы­гъэх. «Спартак» апэрэ текIоныгъэр мыгъэ къыдихыгъ, медальхэм ишъыпкъэу афэбэнэщт. ЦСКА-м имурадхэри ащ фэдэх.

Зэтэгъапшэх

1. «Зенит» — 6 2. ЦСКА – 6 3. «Локомотив» — 6 4. «Спартак» — 4 5. «Динамо» — 4 6. «Краснодар» — 3 7. «Ростов» — 3 8. «Уфа» — 3 9. «Шъачэ» — 2 10. «Урал» — 1 11. «Арсенал» — 1 12. «Рубин» — 1 13. «Ахмат» — 1 14. «Химки» — 1 15. «Ротор» — 1 16. «Тамбов» — 0.

Я 3-рэ ешIэгъухэр

18. 08 «Шъачэ» — «Рубин» «Тамбов» — «Химки» «Краснодар» — «Арсенал» 19.08 «Урал» — «Локомотив» «Уфа» — «Спартак» «Ахмат» — «Ротор» «Динамо» — «Ростов» «Зенит» — ЦСКА.