«Динамо» Ставрополь — «Зэ­къо­шныгъ» Мыекъуапэ — 3:0.

ШышъхьэIум и 15-м Ставрополь щызэдешIагъэх.

«Зэкъошныгъэм» иешIэкIо ныбжьыкIэхэр зэIукIэгъум хэлэжьагъэх. Футболым нахь хэгъо­загъэхэу «Зэкъошныгъэм» хэтхэм ащыщхэм яшъобжхэр агъэхъу­жьынхэу игъо ифагъэхэп.

Футбол клубэу «Зэкъошны­гъэм» итренер шъхьаIэу Ешыгоо Сэфэрбый тизэдэгущыIэгъу къызэрэщыхигъэщыгъэу, республикэм щыщ кIалэхэу командэм бэмышIэу аштагъэхэм яIэпэIэсэныгъэ хагъэхъонэу рагъэжьагъ. Непэ ахэр тигугъапIэх. Апэрэ ешIэгъухэр тшIуахьыгъэх нахь мышIэми, «Зэкъошныгъэр» ауж къинэхэрэм къахэкIыжьын ылъэ­кIыщт. «Динамэр» текIоныгъэм икъы­дэхын фэхьазырыгъ. ПенальтикIэ тикъэлапчъэ гъогогъуитIо Iэгуаор къыдидзагъ.

Урысыем и Кубок фэгъэхьыгъэ зэIукIэгъухэр шышъхьэIум и 19-м рагъажьэх. «Зэкъошныгъэр» «Биологым» Новокубанскэ щыдешIэщт. ТекIоныгъэр къыдэзыхыгъэр зэнэкъокъум щылъыкIотэщт.

Я 2-рэ зэIукIэгъухэр

Купэу «Къыблэм» я 2-рэ зэIукIэгъухэу щыкIуагъэхэм якIэуххэр.

«Кубань» — «Мэщыкъу» — 4:1, «Черноморец» — «Краснодар-3» — 1:0, «Интер» — «ТIуапсэ» — 3:2, «Биолог» — «Кубань-Холдинг» — 2:4, «Спартак» — «Легион» — 0:0, «Анжи» — СКА – 1:0, «Махачкала» — «Форте» — 1:0.

Хэт, тыдэ щыIа?

1. «Кубань» — 6 2. «Кубань-Холдинг» — 6 3. «Анжи» — 6 4. «Легион» — 4 5. «Форте» — 3 6. «Мэщыкъу» — 3 7. «Черноморец» — 3 8. «Махачкала» — 3 9. «Интер» — 3 10. СКА – 3 11. «Краснодар-3» — 3 12. «Динамо» — 3 13. «Спартак» — 1 14. «Зэкъошныгъ» — 0 15. «Есентуки» — 0 16. «Биолог» — 0 17. «ТIуапсэ» — 0.

ШышъхьэIум и 13-м «Зэкъошныгъэр» «Махачкала» Махачкала Мыекъуапэ щыдешIэщт.

Футболыр зышIогъэшIэгъонхэр, «Зэкъошныгъэм» фэгумэкIыхэрэр зэIукIэгъум еплъынхэу, тикомандэ Iэгу фытеонхэу зэхэщакIохэм рагъэблагъэх.