Тибатырхэм ямедальхэр
Урысые Федерацием и УIэшыгъэ КIуачIэхэм дзюдомкIэ язэнэкъокъу къалэу Иваново щыкIуагъ.
Адыгэ Республикэм испорт еджапIэу Кобл Якъубэ ыцIэ зыхьырэм ибэнакIохэм зэIукIэгъухэм хагъэунэфыкIырэ чIыпIэхэр къащахьыгъэх.
Тулпэрэ Айдэмыр, кг 81-рэ, дышъэр къыфагъэшъошагъ. Дэхъу Азэмат, кг 60, Ингъуш Владимир, кг 90-рэ, ятIонэрэ чIыпIэхэр къыдахыгъэх.
Адыгэ Республикэм изаслуженнэ тренерэу Бастэ Сэлымэ Тулпэрэ Айдэмыррэ Ингъуш Владимиррэ япащ. Дэхъу Азэмат зыгъасэрэр Адыгэ Республикэм изаслуженнэ тренерэу Нэпсэу Бислъан.
Иваново щыкIогъэ зэнэкъокъум ТIуапсэ щапIугъэ бэнакIоу Ацумыжъ Азэмат, кг 60, апэрэ чIыпIэр къыдихыгъ, ипащэр Урысыем изаслуженнэ тренерэу Нэгъуцу Джамболэт. Сурэтым итхэр: Дэхъу Азэмат, Ингъуш Владимир, Тулпэрэ Айдэмыр.