ПсауныгъэкIэ тыфэлъаIо

Бэдзэогъум и 22-м «Адыгэ макъэм» ия 5-рэ нэкIубгъо зыгъэбаирэ лирическэ этюдхэр къыхиутыгъэх. Ахэр гъэзетым ижурналист IэпэIасэу Мамырыкъо Нуриет ытхыгъэх. Мы нэкIубгъор сурэтхэмкIэ зыгъэкIэрэкIагъэм «опсэу!» есэIо.

Лирическэ этюдхэр: «Сичэщхэр», «Псыхъом дэжь», «Зыгорэ къаIо», «Сэры а зэкIэ».

Сэ къасIомэ сшIоигъор мы гупшысэхэм мызэу, мытIоу сызэряджэжьыгъэр ары. Сыдэу дэхэ дэда мы тиныдэлъфыбзэ! Ар зыгъэкIэракIэу, зыгъэдахэу, зыгъэфабэу, зыгъэлъапIэу, идэхагъэ къыпфэзыщэйрэм, идэгъугъэ къыпхэзыгуащэрэм щытхъур ыдэжь! Ежь Нуриет ар къыдэхъу, гупшысакIэ IэкIэлъ, ихабзэ бай.

Гулъытэ-гупшысэ тэрэз фыуиIэу Нуриет итхыгъэхэм уяджэмэ, ныдэлъфыбзэм идэхагъэ къыппкъырэхьэ. Ныдэлъфыбзэр зыIумылъхэр мыщ хэных, ишIуагъи ашIэрэп.

Мы тхыгъэхэр гъэзетым къызехьэхэм Нуриет къызыхъугъэ мэфагъ. Арышъ, зэкIэ еджагъэхэм ацIэкIи, сэ сцIэкIи ащ тыфэлъаIо итхыгъэхэу гупшысэ куу зыхэлъхэр бэрэ къытIуигъэкIэнхэу, ипсауныгъэ зэтетэу, иIахьыл гупсэхэм адатхъэу, гъэшIэ кIыхьэрэ щыIэкIэ дахэрэ иIэнхэу.

  Ныпсэр сикIасэу ыбзэ сигъусэ Ным ыбзэ умышIэу Иубзэ оIуна? Ным ыбзэ умышIэу — Ибзыпхъэ уиIэна? Ныбзэр IэкIыбэу УакIыб дэхэна? Ныбзэр пIумылъэу Нэплъэгъур баина? Ныбзэр бзэрабзэмэ, Гур къегушIукIы. Тамэ къыбгуакIэу УегъэкIэракIэ. Ныбзэм ипсалъэ Лъыр егъэуалъэ. Ныбзэм ипшысэ Гупшысэр егъэпсы. Ныбзэм ищыбзэ ГущыIэр зэхедзы. Пыдзафэу къыхэкIырэр Чыжьэу зыIуедзы. ГущыIэ къабзэм Бзэр егъэлъэшы, ГущыIэ псаур Псэм къылъэIэсы. Ныбзэр згъэразэу Бзэр сэгъэфедэ, Ныпсэр сикIасэу Ыбзэ сигъусэ. ТиIанэ къэтыушъагъ Бжыхьэ кIасэм Тихатэ ажъуагъ, Гъэтхэ пасэм – Тыщылэжьагъ. Хатэм тыхаплъэмэ ТыкъегъэшхэкIы, Бжьыни бжьыныфи ЧIым щызэIокIэ. Гыныплъы плъыжьи Пхъы нэгушъхьаплъи, ТихэтэрыкIхэр — Сатыр зэикI. Натрыфы гуакIэр ШкIэм фыготэчы, Помидор плъыжьыр ПсынкIэу кIэтэчы. Нэшэбэгу къулэм КIыхьэу зидзыгъ, Икъэгъагъ гъожьмэ Бжьэр къябэныгъ. Къэбы бэгъуагъэр Хатэм хэкIыгъ. ЧэушъхьэрыкIоу — Нэгу тIэтIэжъ. Уцыжъы шIоим етымыгъаштэу, ТишIонэ чани къыддыригъаштэу, Лэжьыгъэм хъупхъэу тыдэлэжьагъ, ТиIанэ нэхъоеу къэтыушъагъ. Сиунэшху Сиунэшхоу — ордэ унэжъ! УзэрэсшIэжьрэр — лъэчIэ унэжъ. ЦIыфыпсэ фабэм о урикIуапI. Къыомыплъырэм нэмыплъ емыт Къыбдэплъыерэм укъыфеплъых. КъыобгъукIорэр огъэкIотэжь. Къыоблагъэрэр огъэунэжь. ХьакIэм икIасэр сэлам фаб, Сэ сиунэшхо ащкIэ хьалэл. ХьакIэм икIасэр нэшIогушIугъ Ащ сиунэшхо фэмыхьэрам.

Хъут Сар.

Адэмый.