Iэмэ-псымакIэхэр къафащэфыгъэх
ИскусствэхэмкIэ Адыгэ республикэ колледжэу Тхьабысымэ Умарэ ыцIэ зыхьырэм кIэхэу музыкальнэ Iэмэ-псымэ, оборудование ыкIи егъэджэн литературэ къыIэкIэхьагъэх.
Колледжым изэтегъэпсыхьан лъэпкъ проектэу «Культура» зыфиIорэм къыдыхэлъытагъ. А фэIо-фашIэхэм апае 2020-рэ илъэсым сомэ миллиони 9 къыфатIупщыгъ.
ПстэумкIи Iэмэ-псымэ 14 къафащэфыгъ: пианинитIу, зы альт, контрабас, виолончель, лъэпкъ пщынищ, нэмыкIхэри.
Адыгэ Республикэм культурэмкIэ и Министерствэ къызэритыгъэмкIэ, джащ фэдэу сурэтшIын ыкIи Iэпэщысэ шIынхэмкIэ отделениехэм апае джырэ лъэхъаным диштэрэ оборудованиехэр, егъэджэн материалхэр аIэкIагъэхьагъэх: къэгъэлъэгъонхэр зытырагъэуцохэрэр — 9, мольберт лъэкъуищхэр — 40, джэхашъом тет остыгъэхэр — 10.
Iэшъынэ Сусан.