Хэгъэгум футболымкIэ иапшъэрэ куп щыкIорэ зэнэкъокъум хэлэжьэрэ командэхэм илъэс ешIэгъур шIэхэу аухыщт.

Бэдзэогъум и 15 — 16-м ыкIи и 22-м кIэух зэIукIэгъухэр яIэщтых.

ЧIыпIэхэр

Я 28-рэ ешIэгъухэм ауж командэхэр чIыпIэу зыдэщытхэм, очко пчъагъэу яIэм шъузэпяплъ.

1. «Зенит» — 66 2. «Локомотив» — 51 3. «Краснодар» — 48 4. ЦСКА – 47 5. «Ростов» — 44 6. «Уфа» — 37 7. «Динамо» — 35 8. «Урал» — 35 9. «Рубин» — 34 10. «Арсенал» — 34 11. «Спартак» — 33 12. «Шъачэ» — 33 13. «Ахмат» — 31 14. «Тамбов» — 28 15. «Крылья Советов» — 27 16. «Оренбург» — 24.

Я 29-рэ ешIэгъухэр

15.07, 16:00 «Урал» — «Арсенал» 15.07, 16:00 «Крылья Советов» — «Краснодар» 15.07, 20:30 «Зенит» — «Оренбург» 16.07, 18:00 «Уфа» — «Динамо» 16.07, 18:00 «Рубин» — «Ростов» 16.07, 20:30 «Локомотив» — ЦСКА 16.07, 20:30 «Тамбов» — «Шъачэ»

ШъунаIэ тешъудз:

Бэдзэогъум и 19-м ешIэщтхэр: «Краснодар» — «Динамо»

«Краснодар» ятIонэрэ чIыпIэр къыдихыным фэшI къыфэнэгъэ ешIэгъухэр къыхьынхэ фае. «Крылья Советов» Самара апшъэрэ купым къыхэнэжьыным фэбанэ, ащи текIоныгъэр къыдихы шIо­игъу. Хэта нахь лъэшыр, хэта зинасып къыхьыщтыр? «Локомотив», ЦСКА, «Ростов» — ахэри мэгугъэх, медальхэм апэблагъэх.

Ауж къинагъэхэм ягумэкIы­гъохэри къыдгурэIох. ЕшIэгъухэр хьылъэу кIощтых, текIоныгъэр хэт къыдихыщтми, спорт шапхъэ­хэм атетэу командэхэр ешIэнхэу, футбол дахэ къагъэлъэгъонэу афэтэIо. Нахь лъэшым текIоныгъэр къыдерэх!

 ЕмтIылъ Нурбый.