Урысыем футболымкIэ иапшъэрэ куп хэхьагъэх «Ротор» Волгоград, «Химки» Москва хэку.

Апэрэ купым 2019 — 2020-рэ илъэс ешIэгъур щаухыгъ. Апэрэ чIыпIитIур къыдэзыхыгъэхэ «Ротор» ыкIи «Химки» апшъэрэ купым зэрэхэхьагъэхэм фэшI тафэгушIо. Урысыем и Къыблэ шъолъыр икомандэхэу «Ростов», «Краснодар», «Шъачэ» апшъэрэ купым щешIэх.

Къэлэ-лIыхъужъэу Волгоград икомандэ ТекIоныгъэм ия 75-рэ илъэс зыщыхэдгъэунэфыкIырэ уахътэм тефэу апэрэ чIыпIэр къыдихи, апшъэрэ купым зэрэхэхьагъэм мэхьэнэ ин иIэу тэлъытэ. «Ротор» игъэхъагъэхэм ахигъэхъонэу, спортышхом илъэгапIэхэм анэсынэу фэтэIо.

«Къыблэм» футболыр шIу щалъэгъу, апшъэрэ купым нэмыкI командэхэри хэхьащтхэу тэгугъэ.