Республикэм спортымкIэ иеджапIэ зыщызыгъасэхэрэм зэнэкъокъухэм зафагъэхьазыры.

— Урысыем ихэшыпыкIыгъэ командэхэм ахэтхэр язакъоу кушъхьэ­фачъэхэмкIэ урамхэм ащызекIонхэу фитыныгъэ аратыгъ, — къытиIуагъ Адыгеим кушъхьэфэчъэ спортымкIэ и Федерацие ипащэу Анатолий Лелюк. — Зэпахырэ узым тыпэуцужьызэ, спортсменхэм яIэпэIэсэныгъэ зэрэхагъэхъощт шIыкIэхэм талъэхъу.

Спортым щыцIэрыIохэ Александр Евтушенкэм, Елизавета Ошурковам, СтIашъу Мамыр хэу­шъ­хьа­фыкIыгъэу Iоф зыда­шIэ­жьы. Ольга Дейко Урысыем ихэшыпыкIы-­гъэ командэ пытэу хэуцощтэу тегъэгугъэ.

Хэгъэгум ихэшыпы­кIы­гъэ ныбжьыкIэ командэ хэтхэу Кристина Новиковар, Оксана Бабуш­кинар, Константин Аладашвили, Валерий Ис­ламовыр, фэшъхьафхэри кушъхьэфачъэхэмкIэ республикэм иурам­хэм ащызекIохэу тэлъэгъух. Тренерхэм зэра­лъытэрэмкIэ, яунэхэм къа­рыкIыгъэхэу жьым зэрэхэтхэм ишIуагъэкIэ яIэпэIэсэныгъэ нахь дэгъоу хагъахъо.

Япсауныгъэ агъэпы­тэ­ным, языгъэпсэфыгъо уахътэ гъэшIэгъонэу агъэ­­кIоным пылъхэри урамхэм къатехьажьых. Ныбжь зэфэшъхьаф зи­Iэ­хэр, унагъохэр физкуль­турэм зэфещэх, псау­ны­гъэм икъэухъумэн Iофыгъо шъхьаIэу алъытэ. ЕмтIылъ Нурбый.