Орэдыр шIэжьым игупшыс
Адыгэ Республикэм и Къэралыгъо орэдыIо-къэшъокIо ансамблэу «Ислъамыер» илъэс къэс шъыгъо-шIэжь мафэм хэлажьэ.
ШIэжьым, лIыхъужъныгъэм, зэкъошныгъэм игъэпытэн, нэмыкIхэм афэгъэхьыгъэ орэдхэр зэхахьэхэм къащеIо. Шъыгъо-шIэжь мафэм зэлъыIэсыкIэ амалхэр ансамблэм ыгъэфедэхэзэ, ижъырэ орэдхэр онлайным щигъэжъынчыщтых.
— Къоджэбэрдыкъо Мыхьамэт, Хьатхмэ я КъокIасэ, Сэрмафэ афэгъэхьыгъэ орэдхэр, нэмыкIхэри дунаим щызэхядгъэхыщтых, — къытиIуагъ «Ислъамыем» ихудожественнэ пащэу, Урысыем, Адыгеим, Къэрэщэе-Щэрджэсым янароднэ артистэу, композиторэу Нэхэе Аслъан. – Кавказ заом фэгъэхьыгъэ орэдхэр тилъэпкъ итарихъ щыщых. ТхакIи, еджакIи зымышIэщтыгъэхэ тятэжъ пIашъэхэм ахэр къытлъагъэIэсыжьыгъэхэу къэ— тэIох.
Онлайным «Ислъамыем» иорэдхэр щызэхэзыхыщтхэм ялъэпкъ гупшысэ къыIэтыщт. Псэ зыпыт орэдым цIыфыр епIу, щыIэныгъэм фегъасэ. Тарихъ орэдыр лъэпкъ шIэжьым иIотакIу.