Урысыем футболымкIэ изэнэкъокъу хэлэжьэ­хэ­рэ командэхэу ятIонэрэ купэу «Къыблэм» хэт­хэм 2019 — 2020-рэ илъэс ешIэгъур аухыгъ.

Хэгъэгум футболымкIэ и Союз зэхахьэу щыкIуагъэм щырахъу­хьэгъэ унашъом къызэрэщиIоу, 2019 — 2020-рэ илъэс ешIэгъоу зэпахырэ узым къыхэкIэу зэ­пагъэугъэ зэнэкъокъум памыублэжьэу зэраухыгъэр.

Апэрэ чIыпIищыр къыдэзыхыгъэхэр къахэтэгъэщых.

1. «Астрахань» 2. «Алания» 3. «Зэкъошныгъ».

«Астрахань» апэрэ купым зэ­рэхэхьагъэм фэшI тыфэгушIо.

2019-рэ илъэсым «Зэкъошныгъэм» я 5-рэ чIыпIэр хэгъэгум изэнэкъокъу къыщыдихыгъ. Блэ­кIыгъэ илъэс ешIэгъухэм ар ядгъапшэмэ, ыпэкIэ лъыкIотагъ. Мыгъэ я 3-рэ чIыпIэр «Зэкъошныгъэм» къызэрихьыгъэр гъэ­хъагъэкIэ фэтэлъэгъу.

— Мэкъуогъум и 12-м зытыугъоижьын тимурад, — къыти­Iуагъ Мыекъопэ «Зэкъошныгъэм» итренер шъхьаIэу, Адыгэ Республикэм изаслуженнэ тренерэу Ешыгоо Сэфэрбый. — 2020 — 2021-рэ илъэс ешIэгъум зы­фэдгъэхьазырыщт.

ИлъэсыкIэ ешIэгъур зырагъэ­жьэщтым, купэу «Къыблэм» хэ­тыщт командэхэм икъоу тащы­гъуазэ зыхъукIэ, «Зэкъошныгъэм» зыфигъэуцухэрэ пшъэрылъхэм нахь игъэкIотыгъэу такъытегущыIэщт.