Къуаджэм щапIугъэхэ спортсменхэу Адыгеим ищытхъу дунаим щызыIэтыгъэхэм афэгъэхьыгъэ тхыгъэхэр «Адыгэ макъэм» нахьыбэрэ къыщыхэтыутынхэу гъэзетеджэхэр къызэрэкIэлъэIухэрэр тигуапэ.

Чыржьын Мухьарбый, Хьэпэе Арамбый, Емыж Арамбый, Беданыкъо Рэмэзан, КIое Хьазрэт, Лъэцэр Хьазрэт, Гостэкъо Хьумэр, Хьасанэкъо Мурат, Мэрэтыкъо Сахьидэ, Алхъо Сыхьатбый, Хьэпэе Хьамидэ, нэмыкIхэм Олимпиадэ джэгунхэм, дунаим, Европэм, СССР-м язэнэкъокъухэм медальхэр къащахьыгъэх.

ФутболымкIэ Тэтэр Нурбый, Сэнащэкъо Владимир, Нэгъой Юрэ, Натхъо Адамэ цIэрыIо хъугъэх.

Волейболыр агъэдахэзэ ешIэщтыгъэхэ ЛIыин Нурбый, ТхьакIущынэ Аслъан, Чэсэбый Къэплъан, фэшъхьафхэм яхьылIэгъэ гукъэкIыжьхэр гъэзетеджэхэм ашIогъэшIэгъоных. Атлетикэ псынкIэм шIукIэ ща­шIагъ Барцо Аскэр. Атлетикэ онтэгъур, шы спортыр, нэмыкIхэри гум щыщ хъугъэх, тигуапэу такъытегущыIэщт.