Урысыем экономикэ хэхъоныгъэмкIэ и Ми­нистерствэ УФ-м и Пра­вительствэ зыфи­гъэ­загъ зэпахырэ узэу коронавирусым анахьэу зия­гъэ ригъэкIыгъэхэм кинофильмэхэр къэзы­гъэ­лъа­гъохэрэр аха­гъэ­хьанхэу.

Ащ фэдэ гукъэкI иIэу къэгущыIагъ ведомствэм ипащэу Максим Решетниковыр. Пащэм къызыдырагъаштэкIэ, мы компанием исектор антикризиснэ IэпыIэгъу къаратыным кIэдэонхэ алъэкIыщт.

— КъыдгурэIо мы отраслым чIэнагъэхэр зэришIыхэрэр, — къыIуагъ министрэм. — Карантиным къыхэкIыкIэ кинотеат­рэхэм яIофшIэн къызэтеуцуагъ, урысые ыкIи IэкIыб фильмэхэм якъэгъэлъэгъонкIэ пIалъэхэр зэкIэхьагъэ хъугъэх.

Мэлылъфэгъум и 4-м хэу­шъхьафыкIыгъэ проектым икъы­дэкIыгъоу «Антихрупкость» зы­фиIоу Максим Решетни­ко­вымрэ гъэIорышIакIохэм яеджа­пIэу Сколковым ипрезидентэу Андрей Шароновымрэ зы­хэлэжьагъэхэм мы упчIэр къыщаIэтыгъ.

«Бизнес-еджапIэу Сколковыр бизнес-сообществэмкIи, джащ фэдэу къэралыгъом илIыкIохэмкIи шIуагъэ къэзытырэ еджэпIэ площадкэу щытыным ренэу тыфэягъ, — къыIуагъ

А. Шароновым. — Непэ кинотеатрэхэр чIыпIэу зэрыуцуа­гъэхэм УФ-м экономикэ хэ­хъоныгъэмкIэ и Министерствэ псынкIэу ынаIэ зэрэтыридза-гъэм ишыхьат мы еджапIэм мэхьанэшхо зэриIэр».

КIАРЭ Фатим.