Дунаир зыгъэгумэкIырэ узэу коронавирусым спортым пылъхэри пэуцугъэх. ШIушIэ IэпыIэгъухэр зэхэзыщэхэрэм футбол клубхэри ащыщых.

Москва ифутбол командэу «Спартакым» зэхахьэу щыкIуагъэм щызэдаштагъ ешIакIохэм ямэзэ лэжьапкIэ ипроцент 40-р коронавирусым пэшIуекIорэ Iофыгъохэм апаIуагъэхьанэу.

ШIушIэ IэпыIэгъоу «Спартакыр» кIэщакIо зыфэхъугъэм «Динамо» Москва, «Ахмат» Грозный, «Шъачэ» Шъачэ, ЦСКА Москва, Зенит (Санкт-Петербург), нэмыкIхэу апшъэрэ купым хэтхэр хэлэжьэщтых.

МэзитIум, мэзиплIым къакIоцI командэхэм ялэжьапкIэ щыщ процент 20 – 40-р цIыфхэм япсауныгъэ гъэпытэгъэным апэIуагъэхьащт.

«Спартакым» и Совет итхьаматэу Леонид Федун зэхахьэм къызэрэщиIуагъэу, хэгъэгур чIыпIэ къин зыщифэгъэ уахътэм IэпыIэгъу тызэфэхъужьын фае.