Урысыем футболымкIэ и Союз (РФС) изэхэ­сыгъо хэгъэгум изэнэкъокъоу апшъэрэ купым щыкIорэм иIофыгъохэм щытегущыIагъэх.

Зэхахьэм командэхэм япащэхэри къырагъэблэгъагъэх.

РФС-м ипащэу Сергей Прядкиным къызэриIуагъэмкIэ, коронавирусым къыздихьыгъэ къи­ныгъохэм къахэкIэу футболымкIэ 2019 — 2020-рэ илъэс зэнэ­къокъур зэпагъэугъ.

Командэ пэпчъ ешIэгъу 12 къыфэнагъ. «Зенит» зэкIэми апэ ит, дышъэм пэблагъ. «Локо­мотив», «Краснодар», ЦСКА, «Ростов», нэмыкIхэри Европэм икубкэхэм якъыдэхын хэлэжьэнхэм фэшI чIыпIэ хэхыгъэхэм афэбанэх. Ауж къинэхэрэ командэхэу занкIэу апшъэрэ купым къыхэзыщтхэри къэшIэгъуае хъу­гъэх. Ахэр ыкIи фэшъхьаф Iофыгъохэр РФС-м къыдилъытэхи, командэхэм илъэс зэнэкъокъур аухыжьын фаеу ылъытагъ. ЕшIэгъухэр зыщыIэщтхэ мафэхэр агъэнэфэщтых.

ПэшIорыгъэшъэу мэкъуогъу мазэм, бэдзэогъум и 12-м шIомыкIэу зэнэкъокъур рагъэжьэ­жьын ямурад.