Хэгъэгум ифутбол командэ цIэрыIоу ЦСКА-м иешIакIоу Федор Чаловыр джырэблагъэ Мыекъуапэ щыIагъ. Спортсменыр Адыгеим щызылъэгъугъэхэм, апэу гущыIэгъу зыфэхъугъэхэм ащыщых Испанием иклубэу «Барселонэм», ЦСКА-м ащешIэгъэ Натхъо Амиррэ ащ ятэу, зэлъашIэрэ футболистэу, тренерэу Натхъо Адамрэ.

— СыкъышъуIукIэщтми сшIэгъахэп, — къыIуагъ Федор Чаловым. — Сятэжъ Мыекъуапэ щэпсэу, ар зэзгъэлъэгъу сшIоигъу. Сыфэзэщыгъ… ГукIэгъу зыхэлъ спортсмен ныбжьыкIэу Федор Чаловыр джыри Мыекъуапэ къэкIощтэу тэгугъэ. КIэлэцIыкIу еджапIэхэм защызыгъасэхэрэр, тренерхэр, кIэлэегъаджэхэр IукIэщтых. Артистхэм адыгэ къашъохэр къашIыщтых, орэдхэр къаIощтых. Спортымрэ пIуныгъэмрэ афэгъэхьыгъэ пчыхьэзэхахьэр шIукIэ гум къи­нэжьынэу Мыекъуапэ щыкIощт.