Урысыем волейболымкIэ изэнэкъокъухэр зэхэщакIохэм зэфахьысыжьыгъэх.

Хэгъэгум иклуб анахь лъэшхэр зыхэт купэу хъулъфыгъэхэр зыщызэнэкъокъухэрэм Новосибирскэ икомандэу «Локомотивым» апэрэ чIыпIэр къыщихьыгъ. Казань ыкIи Кемеровэ яешIакIохэм ятIонэрэ ыкIи ящэнэрэ чIыпIэхэр афагъэшъошагъэх.

Бзылъфыгъэхэм язэнэкъокъу «Динамо» Казань дышъэр къыщыдихыгъ. Калининград хэкум икомандэу «Локомотивым» тыжьыныр ыхьыгъ. Свердловскэ хэкум икомандэу «Уралочкэм» джэрз медальхэр къыдихыгъэх.

Мыекъуапэ ихъулъфыгъэ командэу «Динамо – МГТУ-р» апшъэрэ купэу «Б-м» щешIагъ.

«Кама» Пермь апэрэ чIыпIэр ыхьыгъ. «Волжанин» Кострома ятIонэрэ хъугъэ. Къыблэ Сахалинскэ ящэнэрэ чIыпIэр къы- дихыгъ.

– Апшъэрэ купым имызакъоу, тэри зэIукIэгъухэр къытфэна- гъэхэу зэнэкъокъур тыухын фаеу хъугъэ, – къытиIуагъ «Динамо - МГТУ-м» итренер шъхьаIэу Павел Зборовскэм.

Махачкала, Грознэм, Краснодар якомандэхэм зэIукIэгъуи 6 «Динамэм» адыриIэн фэягъэ, ау коронавирусым къыпкъырыкIыгъэ къиныгъохэр къыдалъытэхи, зэнэкъокъур аухыгъ.

– Купым командэ 12 хэт, яблэнэрэ чIыпIэр къыдэтхыгъ, – еIо П. Зборовскэм. – ЕшIэ- гъухэр къэтхьынхэшъ, нахь чIыпIэ лъагэ къыдэтхын тимурадыгъ… ЩыIэныгъэр лъэкIуатэ. «Динамо - МГТУ-м» хэгъэгум изичэзыу зэнэкъокъу зыфегъэхьазыры.