Мыекъуапэ ибаскетбол командэу «Динамо - МГТУ-р» Урысыем изэнэкъокъоу суперлигэм икупэу «Б-м» щыкIорэм хэлажьэ. Гъэтхапэм и 28 – 29-м «Динамо - МГТУ-р» Иркутскэ икомандэ гъогогъуитIо дешIэнэу щытыгъ.

– Коронавирусым къыхэкIэу ешIэгъухэр Мыекъуапэ щызэхащагъэхэп, – къытиIуагъ «Динамо - МГТУ-м» итренер шъхьаIэу Андрей Синельниковым. – Мэлылъфэгъу мазэм и 12-м Урысыем баскетболымкIэ и Федерацие иунашъоу щырахъухьащтым тежэщт. Арэу щытми, пэшIорыгъэ- шъэу тыщагъэгъозагъ медальхэм тафэбэнэным фэшI хэушъхьафыкIыгъэ зэнэкъокъур зэрэтимыIэщтыр.

Джырэ уахътэ ехъулIэу очко пчъагъэу командэхэм яIэм елъы- тыгъэу чIыпIэхэр афагъэшъуашэх. Къалэхэу Чебоксары, Тамбов, Магнитогорскэ яешIакIохэм апэрэ чIыпIищыр ахьыгъ. «Динамо - МГТУ-р» я 4-рэ чIыпIэм щыI, ау Иркутскэ икомандэ я 4-рэ чIыпIэр къыдихы шIоигъу. Ащ фэшI Москва щаштэщт унашъом тежэн фае. Иркутскэ икомандэ Мые- къуапэ щешIэнэу фитыныгъэ зыратыкIэ, зэIукIэгъур «Ошъутенэм» щызэхащэщт. ЕшIэгъухэр зыхьырэр я 4-рэ чIыпIэм къэнэщт.