Зэнэкъокъухэм узыIэпащэ
IофшIапIэу «Россети Пшызэм» атлетикэ псынкIэмкIэ изэнэкъокъу Адыгэ республикэ стадионым щыкIуагъ.
Илъэс 35-м нэс зыныбжьхэр апэрэ купым, нахьыжъхэр ятIонэрэм хэтыгъэх. Хъулъфыгъэхэр метри 100-м, 500-м ащызэнэкъокъугъэх. Бзылъфыгъэхэр метри 100-м, 300-м. Зэнэкъокъум икIэуххэр зэфахьысыжьыщтых, хагъэунэфыкIырэ чIыпIэхэр къыдэзыхыгъэхэр «Россети» и Спартакиадэ хэлэжьэщтых.
«Россети Пшызэм» испорт зэIукIэгъухэм къулыкъушIэхэр чанэу сыдигъуи ахэлажьэх. ГТО-м ишапхъэхэр игъэкъугъэнхэм фэгъэхьыгъэ зэнэкъокъум нэбгыри 150-м нахьыбэ щызэIукIагъ. ЯIэпэIэсэныгъэ атлетикэ онтэгъум, гимнастикэм, атлетикэ псынкIэм къащагъэлъэгъуагъ.
«Россети Пшызэм» Краснодар краир, Адыгэ Республикэр хэтых, ахэр зэгъусэхэу «Россети» хэхьэх. «Россети» дунаим иIофшIэпIэ анахь инхэм ащыщ.
ФутболымкIэ, баскетболымкIэ, фэшъхьаф спорт лъэпкъхэмкIи «Россети Пшызэм» зэIукIэгъухэр зэхещэх. Физкультурэм зырагъэушъомбгъузэ, цIыфхэм япсауныгъэ агъэпытэ, ныбжьыкIэхэр спортым хащэх.
Адыгэ Республикэм физкультурэмкIэ ыкIи спортымкIэ и Комитет икъулыкъушIэу Елена Ткаченкэм тызэрэщигъэгъозагъэу, Краснодар краимрэ Адыгеимрэ яспортсменхэр тапэкIи зэнэкъокъухэм ахэлэжьэщтых, кIэлэеджакIохэр зылъащэщтых, щысэшIу афэхъущтых.